Popular Bible Verses from Zĩi 4

Share

Mɛni ma ka kákpîŋ tɛ̀ɛ Ɣâla pɔ́. Ka tɔ̂ɔ Dɛ̂ƃelei mâ, gɛ̀ ní a pâi pûi é siɣe kápôlu.

Ka lɛ̂ɣɛ a Ɣâla, a kɛ̀ tí a pâi lɛɣɛ̂i a káa. Sɔnyɔ̂ŋ-ƃela, ka káyee ŋáwaa. Ka kálii sú kpɛ̀tɛ káai kákili-ŋa-siai ŋáa kɔ́lɛ̂i.

Ka kákpîŋ maa yéŋ Kúnuu-namui ŋɛ́i-tuɛ, gɛ̀ ní a pâi kámaa tɛ̂i.

Kɛ́lɛ, Ɣâla a ƃɛlɛ-sêe támaa tɛ̀ɛ. M̀ɛni ma Ŋ̀âla-kɔlɔi a mò, nyɛɛi, “Ɣâla tɔɔ̂i ǹyoŋka-ƃelai dîa, gɛ ƃɛlɛ-sêe tɛɛ maa-yeŋ-ƃelai pɔ.”

Ǹúui m̀ɛnii kɔ́lɔŋ ǹɛ́lɛɛ̂i a gɛɛ é gɛ́i, à wàla gɛ̀, gɛ̀ ní gáa a sɔnyɔ̂ŋ maa-nuui tí mɛni ma.

Ka sɛŋ maa-mare-kɛ̂ɛ kɛ̀ káfa zɔlɔ ƃo, kpɛ́ni fêi, káfa maa-mare-kɛɛ kɛ̀ pere sii sãa su. Ka gɛ̀ a gɛɛ ká tíi kɛ́ la kátûa-pere nyɔŋ maa-sɛŋ wɛliɛi mɛni ma.

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa sɛŋ, gáa a Ɣâla kpɔara mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa nuui, a gbîŋ kɛ̀ a Ɣâla kpɔara nuu.

Káfe mɛni da kɔ́lɔŋ é pîlaŋ tínaa ma. Káfulu-laai ƃa le? Káai kákaa nɔ́ a lúu nyíi a pɛ̂lɛ nɔ́ a tãi kpua, naa à kɛ̀ tí é táai.