Popular Bible Verses from Ibulu 13

Share

Sɛŋ-kao-wɛli fé kɛ̀ kâa káfulu-laai su. Zɛŋ nyíi gáa káyêei, kálii é láa m̀ɛni ma. Kpɛ́ni fêi, Ɣâla è mò, nyɛɛi, “Fé pâi wɔ́lɔ têei yâ, kpaa máŋ fé pâi ńyee kulâi ímu.”

Zîsɛ Kôrai káa nɔ́ a ǹyaa Zîsɛ Kôrai wɛ́ɛ, sâa, da wɔlɔ-wɔlɔ.

Mɛni ma kwa pɔ̂ri m̀ôi a lii-kpele pere kuɛi, “Kúnuu-namui káa a ŋákpɔŋ mâa-nuu, fé pâi yáôi. Lé ƃe núu-kpune a pɔ̂ri gɛ̂i a ńyãa?”

Káfii fé kpɛ̀ɛ a mɛni lɛ́lɛɛ kɛ́ɛ da zɛŋ gáa káyêei da tɛɛ nûa pɔ́ mɛni, kpɛ́ni fêi zâla sii-ŋai tí a Ɣâla líi làa.

Mɛni ma kwaa laa-maa-tɛ sala kúla Ɣâla ma a tãi kélee zarâi, ǹyaa ƃa ǹáa tóli-wooi nyíi a kúla núu lái.

Tɔɔ nɛnî-kula-mɛni é kɛ́ a ƃaa-kɛ-maa pere sii kélee su. Ǹɛnî-kula-pɛrɛi mu fé kàra. Kpɛ́ni fêi, Ɣâla a pâi goyaŋ-wulu-wulu kɛ́-ƃelai da ŋwulu-wulu kɛ́-ƃelai dímɛnii ŋá têei.

Káfe kpera ŋɔ̃yâ sonîi a ǹɛ́lɛɛ, kpɛ́ni fêi, ŋɔ̃yâ soŋɔɔ a ǹɛ́lɛɛ su, núu da-ni da ɣâla-taa kela-ŋa soŋ a ǹɛ́lɛɛ dítɛ̂i-pere.

Ǹii-see Ɣalai nyíi Zîsɛ Kôrai kùla saa yêei é pá la pôlu a ŋwɔlɔ-wɔlɔ kpanaŋ-woo-kɛɛi maa-ŋãai, nyíi gáa a m̀ála-ŋai mɛi-kaa-nuu kɛ́tɛi, é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.