Popular Bible Verses from LOS HECHOS 1

Share

Apvayventac sat ancoc Espíritu Santo tacjaplhit quellhip, ellhovamcoc sat apquilmopvan. Eltimjic sat quellhip apquillingascama sicvisay tingma Jerusalén najan yoclhilhma Judea najan yoclhilhma Samaria acvocmo nelha lhalhma anco.

Apcatingmavoc alhta Jesús: —Noeltamjo nasa quellhip elyasamcojo yoycamlha cotnejic asoc. Tata apna netin eyca apyasamco yoyam etnejic actemaclha aclhanma apvalhoc nano.

Naysicsa apnaycamo lhama alhta apóstoles apquilapajasomap aptomjac apquilanya: —Noelyamyiclha nasa tingma Jerusalén. Ellalh sat actomja aplhanma Tata apna netin. Innoc siltimnascama alhta quellhip —nic alhta Jesús. Yingmin alhta apyapascasamcoc Juan. Quilhvoc sat colhic acyapascasamco quellhip Espíritu Santo —alhta aptomjac.

Apvitacpec alhta Jesús natamin apquitsepma. Aplhicmosacpec alhta nipyesicsa aptemaclha apjalhnancoc. Apvitacpec alhta cuarenta acnim. Am alhta elquinatcasac apquillhalhmaa. Apquiltimnasam alhta mataa amyaa Dios apquilnancascama.

Natamin apquiltimnascama Jesús macyaseclho netin. Apquilanaoclho alhta apquiltamsoycaoc. Yejemoc alhta ayajapva lhama yipjopay. Inmasquec alhta apquilvita.

Apquilinmelhavoc alhta apmiyaclhilha netin Jesús. Pilapcasquic alhta apcanvaa apcanit enlhit. Apquilmopoy apquilantalhnama alhta. Apquiltomjac alhta apquilanya: —Quellhip co Galilea. ¿Soctomja apcanamcaa nac apquilinmelhavo netin? Evotac sat mocjam Jesús. Colhojoc sat apquilhyam acno actomjaclha lhac apquilvitay apmiyayclha netin —alhta apquiltomjac.