Popular Bible Verses from Waazukaa 9

Share

Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.

Ay yee ka laasaabu ka dii waynaa cire kaŋ manʼti cahãntey no ma hin gaarandiyan ra, manʼti wongaarey no ma hin wongu ra, manʼti lakkalkoyney no ma duu ŋaayan, manʼti carmantey no ma duu alman, manʼti bayraykoyney no ma duu alhormo, zama gomni wala bone ga kaa boro kul ga nga waatoo ra.

Daame nda woyoo kaŋ nʼga bagʼa ni hunari yaadaa kul ra kaŋ Irkoy nʼa noo ma ne waynaa cire, ni zaari yaadawey kul ra, zama ni bagaa no hunaroo nda taabiyanoo ra kaŋ nʼgʼa tee waynaa cire.

Koy, ni ŋaahayaa ŋaa nda ɲaali, ni alaneb hari mooraa haŋ nda binekaanay, zama Irkoy yadda ni teegoyey ga ka ben.

Lakkal baa wongu jinay, zunubante folloku ga haya henna boobo hasara.

Ka haŋajer boro lakkalkoyni šenney se kaŋ ga mossoyaada ka šelaŋ baa boro ma haŋajer boŋkoyni kaŋ ga hoolo ka šelaŋ lakkal jaŋantey game.

Borey kaŋ ga huna ga bay kaŋ ngi ga kaa ka buu, amma bukawey si haya kul bay, ngi, banaw sii i se koyne, zama i dirɲa ey.