Popular Bible Verses from Lug 8

Share

Amaa man mu lu ntanŋam a bol nmu nann bininfob ban jɔɔ gbir sei nin ban a sufu ŋan, ban gbir tibɔr, ki ŋmag ti kenken, ki jɔɔ nnyiginim le ki lo iloon.

Man mu lu ikunkon ni nan, nann bininfob ban gbir Uwonbɔr a bɔr wee ki sin ji che bi sufu be dulinya nan a njɔɔm nin linunchɔril bir lan be dulinya nan yaan ni, ti nyagin Uwonbɔr a bɔr n bu le bi sufu ni, le taa yin lo iloon ni.

Man mu nan lu kutintiɛg nan bu mu nann bininfob ban gbir n bɔr nin npopeen, wee ta laa jiir bi sufu ni nbamɔm n le; bi ŋa Uwonbɔr yada n-yonn wama nan le, tɔ, le nton pii bi ke, le bi yii n nɔɔm.

Le u baan u bɔɔnɔɔbin ke, “Ni yadaa be laa?” Le ni gar bi, le bijawaam nan choo bi. Le bi baan tab ibinbaan ke, “Ninfo boliba yen naa? Wee u pag sei ntafaam nin kunyungbɔŋ wee mi chee u mɔb baa?”

Le ndibim man lu nsan nan nann bininfob ban gbir n bɔr wee ulinlaril dan ki nan choo nyan bi sufu ni ke bi laa ŋaam yada wee ki nan kan fee jaa nan.

Tibɔr tan biɛn woo nan, li nya npaan nin, le tiwann tan biɛn nan be libunbɔnlin li kpiir ki nya nwonween ni.

Ni nan che upii nan kaa ji nan fir ki woo uba Yisa ban ni, le ki nan nyan npaan nin ki sin jegil, ki nan gbaan Yisa a nintogil, ki bei u bininfob biɛn a numbilin nan bu wee u maa u, nin waah kan kutebug weem man. Le Yisa bei u ke, “N bisa, a yada li che a kan kutebug. Li chaa nin nposɔɔn na.”

Le u bɔɔnɔɔbin dan u ban ki nan fiin u njiɛmin ki ke, “Uninkpel, uninkpel, ti li nɔɔ nnyum!” Le u fii ki tiɛn ntafaamin nin kunyungbɔŋ nbu ke min ŋmin na, le mi ŋmin chii.