Popular Bible Verses from མད༌ཐཱ༌ 5

Share

མི༌གུན༌ནི༌ འོད༌ ཏུགས༌ཏེ༌ གོར༌མོའེ༌ ཡོག༌ག༌ མ༌བོར༌ར༌ ནང༌ང༌ ཡོད༌ཁན༌ ཚང༌མའ༌ ཐོང༌ཅེས༌ལ༌ འོད༌སྟག༌གི༌ཀ༌ བོར༌ཨིན༌། ཏེན༌ན༌ ཙོགས༌ལ༌ ཁྱོ༌ཞའེ༌ ལས༌ ཟང༌པོ༌གུན༌ ཐོང༌ཏེ༌ མི༌གུན༌ནི༌ ཁྱོ༌ཞའེ༌ ནམ༌ཁའ༌ ཞུགས༌ཁན༌ནི༌ ཡབ༌ དཀོན༌མཆོག༌ག༌ སྟོད༌པ༌ ཕུལ༌ཅེས༌སི༌ ཕིའ༌ ཁྱོ༌ཞའེ༌ འོད༌དི༌ ལྡངས༌པོ༌ ཁོང༌གུན༌ནི༌ཀ༌ ཕོག༌ཅུག༌ཤིག༌།”

“ཇིག༌རྟེན༌པ༌གུན༌ནི༌ ཕིའ༌ ཁྱོ༌ཞའ༌ འོད༌ ཨིན༌ནོག༌, རི༌ཀ༌ ཡོད༌ཁན༌ནི༌ གྱལ༌ས༌ ཀབ༌ མི༌ཉན༌ཅེས༌ ཙོགས༌།

སེམས༌ ལག༌མོ༌ ཡོད༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ ཁོང༌གུན༌ནི༌ དཀོན༌མཆོག༌ ཇལ༌ཨིན༌།

ཀྲང༌པོ༌ ཐེའ༌ ཛད༌ཅེས༌ལ༌ སྟོགས༌ཨིན༌ སྐོམས༌ཨིན༌ ཡོད༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ ཁོང༌གུན༌ ཚིམ༌ཤུག༌ག༌ ཛད༌ཨིན༌།

ཨིན༌ནའང༌ ངའེ༌ ཁྱོ༌ཞའ༌ ཟེར༌རད༌, གྲ༌འོ༌གུན༌ལ༌ ཅམས༌པ༌ ཅོས༌ ཡང༌ ཁྱོ༌ཞའ༌ ནགས༌བར༌དོ༌ སྟན༌ཁན༌གུན༌ནི༌ ཕིའ༌ མོས༌ལམ༌ ཏོབ༌

“དཀོན༌མཆོག༌ནེ༌ རོགས༌ ཙལ༌ཁན༌གུན༌ ཅིན༌ལབས༌ཅན༌ ཨིན༌, ཅིའ༌ཟེར༌ན༌ ཁོང༌གུན༌ལ༌ ནམ༌ཁའེ༌ གྱལ༌སྲིད༌ ནོར༌སྐལ༌ལ༌ ཐོབ༌ཨིན༌།

ཐུན༌བྲེལ༌ ཁྱོང༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ ཁོང༌གུན༌ལ༌ དཀོན༌མཆོག༌གི༌ ཕྲུ༌གུ༌ མོལ༌ཨིན༌།

སེམས༌སི༌ ནང༌ང༌ རྡུག༌པོ༌ ཡོད༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ དཀོན༌མཆོག༌གི༌ ཁོང༌གུན༌ལ༌ སེམས༌སོ༌ སལ༌ལ༌ ཛད༌ཨིན༌།

ལམ༌ ཀྲང༌པོའེ༌ཀ༌ གྲུལ༌ཅེས༌པོའེ༌ རྡུག༌ངལ༌ ཐོང༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ ཁོང༌གུན༌ལ༌ ནམ༌ཁའེ༌ གྱལ༌སྲིད༌ ནོར༌སྐལ༌ལ༌ ཐོབ༌ཨིན༌།”

ཞན༌མའ༌ སྙིང༌རྗེ༌ སྟན༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ ཁོང༌གུན༌ལ༌ སྙིང༌རྗེ༌ སྟན༌ན༌ ཛད༌ཨིན༌།

“ངའ༌ ཏད༌པ༌ ཅོ༌ཅེས༌པོའེ༌, ཞན༌མ༌གུན༌ནི༌ ཁྲེལ༌ ཅུགས༌ཏེ༌ ནགས༌བར༌དོ༌ ཡང༌ ཟུན༌བ༌ ཏམ༌ངན༌ སྣ༌ཙོགས༌ ཕོག༌ཁན༌གུན༌ ཅིན༌ལབས༌ཅན༌ ཨིན༌། གའ༌མོ༌ དང༌ ཐད༌པོ༌ ཅོ༌ཤིག༌, ཅིའ༌ཟེར༌ན༌ ནམ༌ཁའེ༌ ནང༌ང༌ ཁྱོ༌ཞའ༌ སོལ༌རས༌ ཀྲག༌པོ༌ ཡོད༌, ཁོང༌གུན༌ནི༌ ཁྱོ༌ཞའེ༌ སང༌ སྔུན༌ལ༌ ཡོངས༌ཁན༌ དཀོན༌མཆོག༌གི༌ ལུང༌སྟོན༌པ༌གུན༌ལའང༌ ཏེན༌ན༌ ཙོགས༌ ནགས༌བར༌དོ༌ སྟན༌ཏེ༌ ཨིན༌པིན༌།”

པས༌མོ༌ ཡོད༌ཁན༌གུན༌ ཅིན༌ལབས༌ཅན༌ ཨིན༌ ཅིའ༌ཟེར༌ན༌ ཁོང༌གུན༌ལ༌ ཇིག༌རྟེན༌ གང༌པོ༌ ནོར༌སྐལ༌ལ༌ ཐོབ༌ཨིན༌།

གཙོ༌བོ༌ ཡེ༌ཤུའི༌ མོལས༌, “ཇིག༌རྟེན༌པ༌གུན༌ནི༌ ཕིའ༌ ཁྱོ༌ཞ༌གུན༌ ཚཱ༌ ཨིན༌། ཨིན༌ནའང༌ ཀལ༌ཏེས༌ ཚཱའེ༌ བྲོད༌པོ༌ ཡོལ༌ན༌ ཏེ༌བོ༌ ཀ༌ཟུག༌གི༌ ལོགས༌ཏེ༌ ཁྱོང༌ཨིན༌? ཏེ༌བོ༌ ཕི༌ལོག༌ག༌ ཕངས༌ཏེ༌ མི༌གུན༌ནི༌ རྐང༌པའེ༌ ཡོག༌ག༌ ནན༌ཅེས༌ མ༌ནེ༌ ཡང༌ ཅའང༌ ཕན༌ཐོགས༌ མེད༌ཀྱག༌།”

ཏེ༌བོའེ༌ཕིའ༌ ཁྱོ༌ཞའེ༌ ནམ༌ཁའེ༌ ཡབ༌, ཕུན༌སུམ༌ཚོགས༌པ༌ ཞུགས༌ཁན༌ ཙོགས༌ལ༌ ཁྱོ༌ཞའང༌ ཕུན༌སུམ༌ཚོགས༌པ༌ ཡོང༌གོས༌།”

ཁྱོ༌ཞའེ༌ ལན༌བོ༌ ཨིན༌ན༌ ཨིན༌ ཡ༌ མན༌ན༌ མན༌ ཟེར༌ ཅིའ༌ཟེར༌ན༌ འི༌གུན༌ནི༌ སང༌ ཐལ༌ཏེ༌ ཅི༌ཞིག༌ ཟེར༌ནའང༌ ཤེ༌ཏན༌ ངན༌པ༌ནེ༌ ཇུང༌ང༌ནོག༌།”

གཙོ༌བོ༌ ཡེ༌ཤུའི༌ མོལས༌, “ཁྱོ༌ཞའེ༌ འི༌བོའང༌ ཚོར༌ཏེ༌ ཨིན༌ནོག༌, ཆད༌པ༌ སྐྱོན༌བོ༌ནའང༌ ཟོབ༌གོས༌, ‘མིག༌གི༌ ལན༌ལ༌ མིག༌, སོའི༌ ལན༌ལ༌ སོ༌’, ཨིན༌ནའང༌ ངའེ༌ ཁྱོ༌ཞའ༌ ཟེར༌རད༌, ཁྱོ༌ཞའ༌ ངན༌པ༌ ཅོ༌ཁན༌བོའ༌ ཏེན༌ན༌ ཙོགས༌ ལན༌ མ༌ཏང༌ཤིག༌། ཀལ༌ཏེས༌ སུ༌ཞིག༌གི༌ གྲམ༌པ༌ ཡས༌པའ༌ གྲམ༌ལྕགས༌ ཏང༌ན༌, གྲམ༌པ༌ ཡོ༌མའང༌ གྲམ༌ལྕགས༌ ལེན༌ན༌ལ༌ སྟོན༌།

ཀལ༌ཏེས༌ ཁྱོ༌རང༌ངི༌ མིག༌ ཡས༌པའེ༌ ཁྱོ༌རང༌ང༌ སྡིག༌པ༌ ཅོ༌ཅུག༌གད༌ན༌, ཏེ༌ མིག༌པོ༌ བྲུས༌ཏེ༌ ཕངས༌ཏོང༌, ལུས༌ གང༌པོ༌ ཉལ༌ཝའེ༌ ནང༌ང༌ ཕང༌ངི༌ སང༌ ལུས༌སི༌ ཁག༌ཅིག༌ མེད༌ཁན༌ ཆ༌ན༌ གྱལ༌། ཡང༌ ཀལ༌ཏེས༌ ཁྱོ༌རང༌ངི༌ ལག༌པ༌ ཡས༌པའེ༌ ཁྱོ༌རང༌ང༌ སྡིག༌པ༌ ཅོ༌ཅུག༌གད༌ན༌, ཏེ༌ ལག༌པ༌ ཅད༌ཏེ༌ ཕངས༌ཏོང༌, ལུས༌ གང༌པོ༌ ཉལ༌ཝའེ༌ ནང༌ང༌ ཕང༌ངི༌ སང༌ ལུས༌སི༌ ཁག༌ཅིག༌ མེད༌ཁན༌ ཆ༌ན༌ གྱལ༌།”