Popular Bible Verses from མད༌ཐཱ༌ 16

Share

ཏེ༌ནེ༌ ཡེ༌ཤུའི༌ ཁོང༌རང༌ངི༌ ལོབ༌ཕྲུགས༌གུན༌ལ༌ མོལས༌, “ངའེ༌ སྟིང༌རང༌ནེ༌ ཡོང༌ང༌ ཐད༌ཁན༌གུན༌, རང༌དོད༌ ཕངས༌ཏེ༌ རང༌ངི༌ རྡུག༌ངལ༌ལི༌ རྐྱང༌ཤིང༌ ཁུར༌ཏེ༌ ངའ༌ བྲངས༌གོས༌།

ངའེ༌ ཁྱོ༌རང༌ང༌ ཟེར༌རད༌, ཁྱོ༌རང༌ པི༌ཏྲར༌ ཨིན༌ནོག༌, ཡང༌ འི༌ བྲག༌གི༌ཀ༌ ངའེ༌ ང༌རང༌ངི༌ ཆོས༌ཚོགས༌ རྩིག༌ཨིན༌། ཤེ༌ཏན༌ནི༌ ཝང༌ངའི༌ ངའེ༌ ཆོས༌ཚོགས༌ལ༌ ཕམ༌ཀལ༌ མ༌ནེ༌ མི༌ཉན༌།

ནམ༌ཁའེ༌ གྱལ༌སྲིད༌དི༌ ཀུ༌ལིག༌གུན༌ ངའེ༌ ཁྱོ༌རང༌ང༌ ཏང༌ཨིན༌། ཇིག༌རྟེན༌ནི༌ཀ༌ ཁྱོ༌རང༌ངི༌ གོངས༌པ༌ མ༌ཏང༌ཁན༌བོའ༌ ནམ༌ཁའེ༌ དཀོན༌མཆོག༌གིའང༌ གོངས༌པ༌ སལ༌ལ༌ མི༌ཛད༌, ཡང༌ ཇིག༌རྟེན༌ནི༌ཀ༌ ཁྱོ༌རང༌ངི༌ གོངས༌པ༌ ཏང༌ཁན༌བོའ༌ ནམ༌ཁའེ༌ དཀོན༌མཆོག༌གིའང༌ གོངས༌པ༌ སལ༌ལ༌ ཛད༌ཨིན༌།”

རང༌སྲོག༌ སྐྱོབ༌ཉིན༌ ཡོད༌ཁན༌གུན༌ནི༌ དེན༌བའེ༌ མི༌ཚེ༌ སྐྱལ༌ཨིན༌, ཨིན༌ནའང༌ ངའེ༌ ཕིའ༌ ཁོ༌རང༌ངི༌ སྲོག༌ སྐྱལ༌ཁན༌གུན༌ལ༌ དེན༌བའེ༌ མི༌ཚེ༌བོ༌ ཐོབ༌ཨིན༌།

མི༌ཞིག༌ག༌ ཇིག༌རྟེན༌ གང༌པོ༌ ཐོབ༌ཏེའང༌ རང༌ངི༌ ཐའ༌མེད༌པའེ༌ མི༌ཚེ༌ སྐྱལ༌ན༌ ཅི༌ ཕན༌ཐོགས༌, ཡ༌ ཏེ༌བོའེ༌ ཚབས༌ལ༌ མི༌ཞིག༌གི༌ ཅི༌ ཏང༌ཉན༌ཨིན༌?

“ཨིན༌ནའང༌ ཁྱོ༌ཞའེ༌ ཅི༌ སམ༌མ༌རག༌?” ཡེ༌ཤུའི༌ ཏྲིའ༌ ཛདས༌, “ང༌ སུ༌ ཨིན༌ནོག༌?” ཤི༌མོན༌ པི༌ཏྲར༌རི༌ ལན༌ཏངས༌, “ཉེ༌རང༌ དཀོན༌མཆོག༌གི༌ ལྡམ༌མ༌ ཛད༌ཁན༌ནི༌ མ༌ཤི༌ཀ༌, སོན༌པོ༌ དཀོན༌མཆོག༌གི༌ སྲས༌ ཨིན༌ནོག༌།”

ཡེ༌ཤུའི༌ མོལས༌, “ཡོ༌ནཱའེ༌ བུ༌ཚ༌ ཤི༌མོན༌ ཁྱོ༌རང༌ ཅིན༌ལབས༌ཅན༌ ཨིན༌ནོག༌། ཏེ༌བོ༌ ཁྱོ༌རང༌ང༌ མིའི༌ ཆོགས༌ནེ༌ མན༌པ༌ ངའེ༌ ནམ༌ཁའེ༌ ཡབ༌བི༌ སྔོན༌ཅུག༌ག༌ ཛད༌ཏེ༌ ཨིན༌།