Popular Bible Verses from མད༌ཐཱ༌ 15

Share

ཨིན༌ནའང༌ ཁའ༌ནེ༌ བིང༌ཁན༌ སྤེ༌ར༌ སེམས༌སི༌ ནང༌ནེ༌ བིང༌ཏེ༌ མི༌གུན༌ ཚི༌ཏུ༌ གྱུར༌ ཅུག༌ག༌ནོག༌། ཅིའ༌ཟེར༌ན༌ སམ༌བ༌ ངན༌པ༌, མི༌ སད༌ཅེས༌, རང༌ངི༌ ཞིད༌མད༌ མན༌པ༌ ཞན༌མ༌ ཉམ༌པོ༌ ལུས༌བྲེལ༌, ལུས༌བྲེལ༌ ངན༌པ༌, རྐུ༌ཅེས༌, ཁྲིམས༌ཁུང༌ང༌ ཟུན༌བ༌ སྤང༌པོ༌ ཏང༌ཅེས༌ དང༌ ཞན༌མའེ༌ སྕོད༌པའེ༌ སྐོར༌ལ༌ ངན༌པ༌ ཟེར༌ཅེས༌ གུན༌ སེམས༌སི༌ ནང༌ནེ༌ བིང༌ང༌ནོག༌།

ཁའེ༌ ནང༌ང༌ ཆའ༌ཁན༌གུན༌ནི༌ མི༌ ཚི༌ཏུ༌ གྱུར༌ཅུག༌ག༌ མ༌ནོག༌, ཨིན༌ནའང༌ ཁའེ༌ ནང༌ནེ༌ སྤེ༌ར༌ ངན༌པ༌ བིང༌ཁན༌བོའེ༌ ཚི༌ཏུ༌ གྱུར༌ ཅུག༌ག༌ནོག༌།”

‘འི༌ མི༌གུན༌ནི༌ ཁའ༌ནེ༌ ངའ༌ རྩི༌ཝ༌ ཅོ༌ནའང༌ ཁོང༌གུན༌ནི༌ སྙིང༌གུན༌ ང༌ནེ༌ ཐག༌རིང༌ དུག༌། ཁོང༌གུན༌ནི༌ ངའ༌ ཅོལ༌ཅེས༌པོ༌ ཕན༌མི༌ཐོགས༌ ཨིན༌ནོག༌, ཅིའ༌ཟེར༌ན༌ ཁོང༌གུན༌ནི༌ དཀོན༌མཆོག༌གི༌ བཀའ༌ཁྲིམས༌སི༌ ཚབས༌ལ༌ ཁོང༌རང༌གུན༌ནི༌ ཅོ༌ཁན༌ནི༌ ཁྲིམས༌གུན༌ ལབ༌དུག༌།’”

ཡེ༌ཤུའི༌ ལན༌སལས༌, “བུ༌མོ༌, ཁྱོ༌རང༌ང༌ ཏད༌པ༌ ཀྲག༌པོ༌ དུག༌། ཁྱོ༌རང༌ངི༌ དོད༌པ༌ ཅོ༌ཁན༌བོ༌ གྲུབ༌ཤིག༌།” ཏེན༌ན༌ ཏུས༌ཚོད༌པོའེ༌ཀ༌ རྡུད༌ བིང༌ཏེ༌ སོང༌ ཡང༌ ཁོའེ༌ བུ༌མོ༌ ཕན༌།

ཁོ༌ ཁོང༌ངི༌ དུན༌ལ༌ ཡོངས༌ཏེ༌ པིག༌དོང༌ ཙུགས༌ཏེ༌ ཟེརས༌, “གཙོ༌བོ༌ལེ༌, ངའ༌ རོགས༌ ཅོའ༌ ཛད༌དའང༌།” ཡེ༌ཤུའི༌ མོལས༌, “ཕྲུ༌གུའི༌ ཏ༌གི༌བོ༌ ལེན༌ཏེ༌ ཁྱིའ༌ ཕང༌ན༌ མ༌གྲིག༌ག༌ ཨིན༌ནོག༌།” ཁོའེ༌ ལན༌ཏངས༌, “དེན༌བ༌ ཨིན༌ནོག༌ གཙོ༌བོ༌ལེ༌, ཨིན༌ནའང༌ ཁང༌དག༌གི༌ ཅོག༌ཙེ༌ ཀ༌ནེ༌ ཁར༌ཇི༌ བུད༌ཁན༌གུན༌ ཁྱི༌ ཆུ༌ངུན༌གུན༌ནིའང༌ ཟའ༌དུག༌།”