Popular Bible Verses from ལུ༌ཀ༌ 6

Share

ཞན༌མ༌ ཏོང༌, ཏེ༌ནེ༌ ཁྱོ༌ཞའང༌ སལ༌ལ༌ ཛད༌ཨིན༌, ཏེ༌བོ༌ ཏབ༌ཅེས༌སི༌ ནོད༌དི༌ ནང༌ང༌ ནན༌ཏེ༌ སྐངས༌ཏེ༌ ལུད༌ཨིན༌ དཀོན༌མཆོག༌གི༌ སེམས༌སངས༌ཏེ༌ ཁྱོ༌ཞའེ༌ ཐོའེ༌ ནང༌ང༌ སལ༌ཨིན༌། ཁྱོ༌ཞའེ༌ ཀོལ༌ཁན༌ནི༌ ཏབ༌ཟའ༌བོ༌ ཁྱོ༌ཞ༌གུན༌ནི༌ ཕིའང༌ ཀོལ༌ལ༌ ཛད༌ཨིན༌།”

མི༌ ཟང༌པོའེ༌ སེམས༌ ཟང༌པོའེ༌ བང༌ཛོད༌ནེ༌ བྲས༌བུ༌ ཟང༌པོ༌ སྨིན༌ན༌ནོག༌, ཡང༌ མི༌ ངན༌པའེ༌ སེམས༌ ངན༌པའེ༌ བང༌ཛོད༌ནེ༌ བྲས༌བུ༌ ངན༌པ༌ སྨིན༌ན༌ནོག༌། སྙིང༌ གངས༌ཏེ༌ ལུད༌ཁན༌བོ༌ ཁའ༌ནེ༌ བིང༌ང༌ནོག༌།”

“ཨིན༌ནའང༌ ཁྱོ༌ཞའེ༌ གྲ༌འོ༌གུན༌ལ༌ ཅམས༌པ༌ དང༌ ཟང༌པོ༌ ཅོས༌ ཡང༌ ལོགས༌ཏེ༌ ཐོབ༌ཅེས༌སི༌ སམ༌བ༌ མ༌ཏང༌ང༌ ཁོང༌གུན༌ལ༌ སྐྱིས༌། ཏེ༌ནེ༌ ཁྱོ༌ཞའ༌ སོལ༌རས༌ ཆེན༌མོ༌ ཐོབ༌ཨིན༌ ཡང༌ ཁྱོ༌ཞ༌གུན༌ ཀུན༌ཝང༌ དཀོན༌མཆོག༌གི༌ ཕྲུ༌གུ༌གུན༌ གྱུར༌ཨིན༌ ཅིའ༌ཟེར༌ན༌ ཁོང༌ངི༌, ཀའ༌ཀྲིན༌ མི༌ཀྲན༌ཁན༌ དང༌ མི༌ངན༌པ༌ ཚང༌མ༌ལ༌ ཐུག༌རྗེ༌ ཟིག༌ས༌ནོག༌།

ཁྱོ༌ཞའེ༌ ནམ༌ཁའེ༌ ཡབ༌ སྙིང༌རྗེ༌ཅན༌ ཞུགས༌ཁན༌ ཙོགས༌ལ༌ ཁྱོ༌ཞའང༌ སྙིང༌རྗེ༌ཅན༌ གྱུར༌།”

“ཁྱོ༌ཞའེ༌ ཞན༌མའ༌ སྐྱོན༌རྗོད༌ མ༌ཅོ༌ ཏེ༌ནེ༌ ཁྱོ༌ཞའང༌ སྐྱོན༌རྗོད༌ མི༌ཛད༌། ཞན༌མའ༌ ཉལ༌ཝའེ༌ ནང༌ང༌ ལེབ༌ཅེས༌སི༌ འོས༌པ༌ དུག༌ མ༌ཟེར༌, ཏེ༌ནེ༌ ཁྱོ༌ཞའང༌ ཉལ༌ཝའེ༌ ཆད༌པ༌ མི༌ཕོག༌། ཤགས༌པ༌ ཏོང༌ ཏེ༌ནེ༌ ཁྱོ༌ཞའང༌ ཤགས༌པ༌ སལ༌ལ༌ ཛད༌ཨིན༌།

“ཨིན༌ནའང༌ ངའེ༌ ཁྱོ༌ཞའ༌ ཉན༌ཁན༌གུན༌ལ༌ ཟེར༌རད༌, གྲ༌འོ༌གུན༌ལ༌ ཅམས༌པ༌ ཡང༌ ཁྱོ༌ཞའ༌ ནཕ༌རད༌ ཅོ༌ཁན༌གུན༌ལ༌ ཟང༌པོ༌ ཅོས༌, ཁྱོ༌ཞའ༌ ངན༌ ཏབས༌ཁན༌གུན༌ལ༌ ཅིན༌ལབས༌ ཏོང༌ ཡང༌ ཁྱོ༌ཞའ༌ ངན༌པ༌ ཅོ༌ཁན༌གུན༌ནི༌ ཕིའ༌ མོས༌ལམ༌ ཏོབ༌།

ཞན༌མའེ༌ ཁྱོ༌ཞའ༌ ཅོ༌གོས༌ སམ༌ཁན༌ ཙོགས༌ ཁྱོ༌ཞ༌གུན༌ནིའང༌ ཞན༌མ༌གུན༌ལ༌ ཅོས༌།”

ཀལ༌ཏེས༌ སུ༌ཞིག༌གི༌ ཁྱོ༌ཞའེ༌ གྲམ༌པ༌ ཡས༌པའ༌ གྲམ༌ལྕགས༌ ཏང༌ན༌, གྲམ༌པ༌ ཡོ༌མའང༌ གྲམ༌ལྕགས༌ ལེན༌ན༌ལ༌ སྟོན༌། ཀལ༌ཏེས༌ སུ༌ཞིག༌གི༌ ཁྱོ༌ཞའེ༌ ཀོས༌པོ༌ ཀོགས༌ཏེ༌ ཁྱེར༌ན༌ ཁོའ༌ ཀ༌མིས༌པོའང༌ ཁྱེར༌ཅེས༌ནེ༌ སྒག༌ མ༌སྒག༌། ཏོང༌ ཟེར༌ཁན༌ ཚང༌མ༌ལ༌ ཏོང༌, ཡང༌ མི༌འོས༌པ༌ ཅོས༌ཏེ༌ ཁྱོ༌ཞའེ༌ ནོར༌ ཁྱེར༌ཁན༌བོའ༌ ལོགས༌ཏེ༌ ཁྱོང༌ མ༌ཟེར༌།

“ལྕང༌མ༌ ཟང༌པོ༌ཞིག༌ག༌ བྲས༌བུ༌ ངན༌པ༌ མི༌ཆགས༌ ཡང༌ ལྕང༌མ༌ ངན༌པ༌ཞིག༌ག༌ བྲས༌བུ༌ ཟང༌པོ༌ མི༌ཆགས༌།

ལྕང༌མའེ༌ རིགས༌པོ༌ ཏེ༌བོའེ༌ བྲས༌བུའི༌ ཀ༌ནེ༌ ཤེས༌ས༌ནོག༌། ཚེར༌མང༌ངི༌ ཀ༌ནེ༌ ཕིག༌གི༌ ཁ༌ཟས༌ ཡ༌ ལྕང༌ཚེར༌རི༌ ཀ༌ནེ༌ རྒུན༌ནི༌ ཁ༌ཟས༌ མི༌ཏུ༌།