Popular Bible Verses from MAKI 10

Share

Toku ge zei ga nu ƃuse lui ƃalaa lɛ vaani ga te mɔɔlɛ bɛ́, kɛ̀ to mu é mɔɔlɛ numaa vɛ é yɛʋui ʋe ga é ɣɛ ga nu lamaa wũ‐maa‐wo ŋɛni.”

Ziizɛ wɛlɛni sa te va é ɣɛ tea, “Kpaavɛ nu ƃuse ʋaa ma, kɛ̀ Gala taale. Ƃɔvɛlaale fai pɛ ka zolowo Gala zeea.”

Ziizɛ ɣɛ sa ma, “Yà lii wo. Yà yee‐la‐mai ɣa é è valoa.” Gaazuvɛ ziɣi sa ma ga maa ʋilea. É vile Ziizɛ wulu pelei ma.

Na ma nii Gala ge pua kii ma maa lɛ nɛɛni nu nɛpɛ gɔ gaa wɛɛ.”

Ziizɛ wɛlɛni ba wõi so é ɣɛ ma, “Faa ɣila ka ɛ̀ lɛ dɛ kɛɛni. Li, ŋɛnii ɣaazɔ é è ya è te zɔ̃wɔ wulo è mazɔ̃wɔi leve maa‐wõi vea wɔ è weli ka ɣɛ Gala ta. Yà na ɣɛɛ na, è va sa è vile pùlu.”

Ziizɛ ɣɛ ma, “Zɛƃɛ ɣa è wõini gè kɛ yìɛ?” Gaazu‐wuu nui ɣɛ ma, “Màliɣii, kɛ gàazuvɛ ziɣi ma.”

Ɛ́ lɛ ŋɛ na wa dɛi zu. Kɛ̀ nui nɛpɛ yá ɣɛ é ɣɛ ga nu wala wo zu, maa nɛɛvɛ manui ɣɛ ga wa lii‐ɣɛɛ nu.

Gè bo wiɛ ga gaama, nui nɛpɛ ɛ́ lɛ yee zeiya Gala na masadai wu ga velei lopo wolo ɣa kɛɛ la, manui lɛ wɔlɔ‐wɔlɔ lɛɛ na.”

Kɛ̀ nu lamaa ta ga nu maa wũ zai ŋɛ ni tiɛ va ɣɛɛzu ga maɣaa ƃela, te lamai kɔnɔ te ga nu ɣaa ƃela tiɛ va ɣɛɛzu ga nu maa wũ.”

Kɛ̀ é ziɣi ƃɔɔ ŋetea‐lɔɔ‐zei ʋolo ma, ‘Gala ge zunu ƃɛtɛni ta ŋaza nu.’ ‘Nii mazaƃu ma zunu ɣa ƃe kéea va ta dée é ɣata ŋázai va. Na ɣa ɣɛɛ na te felegɔ te ɣɛ ga ŋɛni ɣila.’ Tɛ lɛ sa wɔlɔ‐wɔlɔ ga nu felegɔ, kɛ̀ ta ga nu ɣila nà mavelei ma.