Popular Bible Verses from LUKI 9

Share

É boni sa nui pɛ ma é ɣɛ te ma, “Ani nu nɛpɛ ka ɣɛ na é vile pùlu, pagɛ manui ɣi kulo ƃɔɔ ʋaa zu é ná pɛɛ‐pulu wulu likpii ziɣi é ɣɛɛ la pùlu wɔ.

Toku ge zei ga nui nɛpɛ yá ɣɛ é ƃaa yɛʋui maazu towaa ɣɛ pilisu. Nui wɔgi yá yɛʋui vili màzaƃu ma towaa yɛ zéea.

Ziizɛ ɣɛni ma, “Gala na masadai zu lii wulovɛ ga nu ɣa ɣɛ woza vilizu é ɣɛ é wɛlɛ wulu va. Ani manui ɣa na ɣɛɛ na, ɛ́ lɛ kuloa bu Gala na masadai ʋaa ma.”

Su‐wulo‐zu ɣa ga nii. Zɛƃɛ ɣa yá ɣɛ ga mawulo‐nu‐mai nu ʋaa ma ani yá zui ɣaazɔ zɔlɔ wo na, tɔwɔ é ƃɔɔ vili ɔɔ é vala ƃɔɔ ma?

Nui nɛpɛ màʋai ɣa wũfe é vɛɛ gòi va, manui ɣa máʋai ɣa ẁũfe, nài gè ga nu ƃuse lui. Na ɣa ga gà vaa na nà saala‐malai zu ta kèea Gala na saala‐malai é vɛɛ keelaitiɛ va te wuloai su leelaa ga ná dɔa.

Ziizɛ ɣɛ sa ma, “Zazawua te mayeɣe ɣa te ya. Wɛ̃niitiɛ te malaɣa ge te ya. Kɛ̀ ŋada nɛpɛ gɛ lɛ zèea, nài gè ga nu ƃuse lui, ga gè wũ da na.”

É ɣɛ te ma, “Nui nɛpɛ yá yee zei lopoi nii wu nà daa‐zeigi zu, manui yee zeiya bù. Nui wɔgi yá yee zei bù, manui yee zeiya nui nii wu é tèvega. Ƃɔvɛlaale nui nii toai wo pɛ wo wu towaa é ga nu walai.”