Popular Bible Verses from LUKI 14

Share

“Ani nu ɣa ɣɛ na é va pɔ̀, manui lɛ zilini ga kpɔɔ ɣeeai ta dee ta ŋazai é vɛɛ dea va, deɣeni te vɛɛ diɛni ba, na ɣa ɣɛɛ na é ɣɛ ga fai maa nɛi ʋɔlɔ ƃalaa ga manui zili ga ƃɔɔ yɛʋui, ɛ́ lɛ zooga ɔ́ ɣɛ ga nà kala dopo.

Nui nɛpɛ ɛ́ lɛ ƃɔɔ vɛɛ‐pulu wulu likpii ziɣia ɔ́ vile da pùlu, manui lɛ zooga ɔ́ ɣɛ ga nà kala dopo.

Ƃɔvɛlaale nui nɛpɛ yá ƃɔɔ ʋaa wɔɔlɔ, manui ɣa yii bu. Nui nɛpɛ ɛ́ lɛ ƃɔɔ ʋaa wɔɔlɔ, manui ɣa wɔɔlɔ.”

Vele nɔ na é la ga nui nɛpɛ ɛ́ lɛ yee wuloa ŋɛni ɣaazɔ ʋaa zu é zéea. Manui lɛ zooga ɔ́ ɣɛ ga nà kala dopo.”

Su‐wulo‐zu ɣa ga nii. Wo ta zɛƃɛ ɣa yá ɣɛ wõi ɣɛɛzu ga é sebe wooza to manui ƃe dɛ zeizu ɣaʋu pa ga nii liigoi yá ɣɛ ga to ŋɛnii é su zei ga é wɛlɛ na va ga ani nii liigoi é zéea towaa kulo‐ɣɛɛ wo ga é to? Ani na lɛ ɣɛ ɣɛɛni, manui ɣa toga lɔɔ zei na ɛ́ lɛ zooni ɔ́ daa wulo, taitiɛ ɣaazɔ te wɛlɛni ba é tɔɔ zei ta ɣɛ ŋɛɛ wulozu su tiɛ ɣɛ tea, ‘Zunui nii sebe‐loga lɔɔ zeini, tɔwɔ ɛ́ lɛ zooni ɔ́ daa wulo.’

Kɛ̀ yà ɣɛ na kuu ɣaazu, mɔɔlɛ vea lili ta tɔbɔ‐zu‐ba vea, è ɣɛ velei mɛlɛ‐ŋɛlɛ bea te la ta gaazu‐wuu vea. Na ɣa ɣɛɛ na tuuyiɛ ɣa ɣɛ yìɛ, ƃɔvɛlaale tɛ lɛ zooga tɔ poto fe è ya. Yà dɛi woto ka ʋe tele‐bo beaitiɛ wu‐ziɣi‐zuvɛ saa ya.”

Ziizɛ ɣɛni tea, “Kpolo ɣa ga ŋɛni vagɔ. Kɛ̀ ani kpolo mayɛmi ka wulo na ba, ná kpololai ɣa sa a yɛ le? Ɛ́ lɛ sa vaga tulu gaa luule ʋaa ma ɔ́ nɔ ɣɛ ga ŋɛnii nii yá tulu gaa luule. Numaa ta pili nɔ ya. Nui faa‐mɛni gui wũ ba, pagɛ é mɛni.”