Popular Bible Verses from Mark 11

Share

Fi dis siem riizn, Ah deh tel unu: Wen unu prie ahn aks fi somting, biliiv seh unu get'ih aredy, ahn unu gwain get enyting weh unu aks fah.

Hier dis chruut weh Ah deh tel unu: if enywan a unu tel dis mountin fi get'op ahn go chruo ihself iina di sii, ahn ihn no dout seh ih gwain hapm, bot biliiv so, ih riily gwain hapm.

Ahn enytaim unu deh prie, unu fi paadn fos enybady weh du unu somting rang, ahn den unu Faada iina hevn gwain paadn fi unu sin.

Jesus ansa dem ahn seh, “Gat fiet iina God!

Den Jesus tiich di pipl seh, “Ih rait dong iina di Skriptyo seh, ‘Mai hous fi bii wan plies fi prie fi aal di pipl dem uova di worl,’ bot unu ton ih iina wan tiifin bizniz plies!”

Ahn di pipl dem weh wende hed a him, ahn dem weh wende fala bihain, staat baal out, “Huzaana! Priez di Laad! God bles di wan weh kom iina di niem a di Laad!

God bles fi wi faada David Kingdom weh deh kom! Huzaana! Priez di Laad iina hevn!”