Popular Bible Verses from Luke 17

Share

Den Jesus tel di man, “Get'op ahn go bout yo bizniz. Dah sieka yo fiet, yo get hiil.”

Iivn if ihn du unu rang seven taim iina wan die, ahn kom bak seven taim ahn seh, ‘Ah sary,’ den unu fi fargiv im evry taim.”

Den, wen wan a dem nuotis seh ihn get hiil, ihn ton bak ahn staat priez God pan tapa ihn vais. Ihn chruo dong ihnself flat bai Jesus fut ahn tank im. Ahn fi si ihn dah wehn wan Samaritan man

So main weh unu deh du! “If eny a yo breda sin, golang ahn fies im bout'ih; if ihn sary fi weh ihn deh du ahn waahn chienj ihn wiez, den unu fi paadn im.

Jesus aks, “Dah neva ten a unu man weh get hiil? So weh di neks nine deh?

Jesus seh, “Iivn if unu fiet smaal laik wan mostad siid, unu kyan tel dis sikimuor trii, ‘Pul op yo ruut ahn go, go plaant yoself iina di sii,’ ahn ih gwain obie unu.

Enybady weh trai fi liv ihn laif iina ihn uon wie, gwain end'op deh luuz ih; bot enybady weh wi risk ihn uon laif jos fi mii, gwain siev ih.

Jesus seh tu ihn disaipl dem, “Unu gwain aalwiez gat temtieshan fi sin, bot ih gwain bii big trobl fi di wan weh kaaz pipl fi sin! Ih wuda beta fi dehn tai wan big rak roun ihn nek ahn chruo im iina di sii an fi ihn kaaz wan a demya likl wan fi sin.

Jos how tingz wehn hapm iina Noah diez, dah rait so ih gwain bii wen di Son a Man kom bak. Pipl iina Noah diez wende iit ahn drink op, deh get marid ahn deh put fi marid rait op til di die wen Noah gaan iina di big-big buot. Den di flod kom ahn kil aala dem.