Popular Bible Verses from Yoh 16

Share

Une namsalile yeleyi kuti jemanja timcikola mtendele pakulumbikana ni une. Mcilambo capasi cikwete yisawusyo. Nambo mŵe ŵakulimba mtima! Nacipundile cilambo capasi!”

Nambo pitaciyika Msimupo, ŵakusala yakuwona ya Mlungu, jwelejo tacimlongolela mu yakuwona yosope yene. Jwalakwe ngasaŵeceta ya pa macili ga jikape iyayi, nambo taciŵeceta yitaciyipikana, nipo tacimsalila ya yindu yamsogolo.

Mpaka sambano jino jemanja nganimŵenda cilicose mu lina lyangu, mŵende nipo timcipocela, kuti cisangalalo cenu ciŵe cakwanila mnope.

Nambo ngwasalila yakuwona kuti: yili cenene kuti ngwawula, ligongo naga ngajawula, Jwakukamusya ngasayika kwa jemanja. Nipo pitaciyika jwelejo, tacilosya ŵandu ŵa cilambo capasi kuti akwete nganisyo syangalumbana pa ulemwa,* ya cilungamo ca Mlungu, ni ya kulamula kwakwe.

Ayi ni muyiŵelele ni jemanja kuti: sambano ali ŵa canasa, nambo tinjawona soni, nipo mitima jenu tijicigumbala ni kusangalala, kusangalala kwakwe kwamti pangali jwalijose jwakupakombola kwatyocesya. Patiliciyika lyele lisikulyo, jemanja ngasaŵenda une cilicose. Une ngumsalila yakuwona jemanja kuti: Atati ŵangu tacimpa cilicose citimciŵenda mu lina lyangu.

Une ngumsalila jemanja yakuwona kuti: tacilila ni kuwuwula, nambo ŵandu ŵa cilambo capasi tacisangalala, jemanja taciŵa ŵacanasa pandanda, nambo canasa cawo ticicigalawuka kuŵa kusangalala.