Popular Bible Verses from Mase 5

Share

Nambo Petulo ni ŵandumetume ŵane ŵajanjile kuti, “Tukwenela kumpikanila Mlungu kupunda kupikanila mundu.

Nipo lisiku lililyose ŵaliji mkwiganya ni kulalicila m'Nyumba ja AMBUJE ni m'majumba ga ŵandu Ngani Syambone* syakuti Yesu Klistu ni Mkulupusyo.

Nambo Petulo* ŵatite, “Ananiya, ligongo cici Satana* agumbele mu mtima mwenu mpaka kumlambusya Msimu Ŵaswela pakusapula mbiya sine sya mgunda wenu? Pimwaliji mkanimsumisye, ana nganiwuŵa wenu? Nipo mli msumisye, ana mbiyasyo nganisiŵa myala mwenu? Nambi mwakundile uli yeleyi mu mtima mwenu? Pelepa nganimwalambusya ŵandu, nambo mumlambwisye Mlungu.” Piŵapikene maloŵe gelaga Ananiya, ŵagwile pasi ni ŵawile. Nipo ŵandu wosope ŵiŵapikene yeleyi wakamwile woga mnope.

Ni ligongo lyakwe pa ngani jeleji ngumsalila sambano kuti, mwalece ŵanduŵa kuti ajawuleje. Naga yakuganisya jemanjaji pampepe ni yakutendayi yili yakutyocela kwa ŵandu, tiyicimala jika. Nambo naga yilikutyocela kwa Mlungu, jemanja ngamyikombola kose kuyilekasya, mwine mwakwe timsimanikwe kuti mkulimbana ni Mlungu.”