Popular Bible Verses from Mako 4

Share

Yaasisiimuka, yaakabukira eihunga, yaagambira enyanja ati: Reka, cureera! Eihunga ryacureera; haabaho obucureera bwingi. Yaababuuza ati: N'enki ekirikubatiinisa? Timukagizire kwikiriza?

Baatiina munonga, baagambirana bati: Bantu 'mwe, ogu ni muntu ki, orikuragiira eihunga n'enyanja, bikamuhurira!

kwonka We akaba agwejegyeire, ayeeshegwire omushego enyima omu bwato. Baamusisiimura, baamugira bati: Mwegyesa, torikututaho mutima? Reeba twafa!

Kandi yaabagira ati: Mwerinde eki muhurira; endengo ei murengamu niyo murirengyerwamu, kandi muryayongyerwaho.

Kandi yaagira ati: Obukama bwa Ruhanga nibushusha nk'oku omuntu abiba embibo omu itaka; akabyama kandi akaimuka nyomushana na nyekiro; embibo zikamera, zikakura, atamanyire oku zikuzire.

Oine amatu agarikuhurira, ahurire.