Popular Bible Verses from Matayo 19

Share

Yesu yaabareeba, yaabagarukamu ati: Ekyo tikirikubaasika ha bantu; kwonka ahari Ruhanga byona nibibaasika.

Baba batakiri babiri kureka omwe. N'ahabw'ekyo eki Ruhanga yaateeraine hamwe, omuntu atarikitaanisa.

Yaabagarukamu ati: Timukashomaga ngu, Owaabahangire bwa mbere na mbere, akahanga omushaija n'omukazi? Yaagira ati: Omushaija nikyo atsigiraho ishe na nyina, akaguma n'omukazi we; nabo bombi bakahinduka omuntu omwe.

Kwonka Yesu yaabagira ati: Murekye abaana bato baije ahariinye, mutabazibira; ahabw'okuba obukama bw'omu iguru n'obw'abari nk'aba.

Kwonka baingi ab'okubanza baryaba ab'enyima, kandi ab'enyima baryaba ab'okubanza.

Omuntu weena owaatsigireho amaju, beene ishe, banyaanya, ishe, nyina, abaana nari ebibanja ahabw'eiziina ryangye, aryaheebwa nk'ebyo emirundi igana, kandi ahungure amagara agatahwaho.

Yesu yaamugarukamu ati: Ku oraabe nooyenda kuba ohikire, gyenda otunde ebi oine byona; ebi oraihemu, obihe abooro; naiwe oryatunga eitungo omu iguru; haza oije onkuratire.

Yaamugarukamu ati: Nombuuriza ki aha kirungi? Omurungi n'omwe. Ku oraabe nooyenda kutaaha omu magara, oyorobere ebiragiro.

Kandi nimbagambira nti: Nikirahuka engamira kuraba omu nyindo y'empitirizo, okukira omutungi kutaaha omu bukama bwa Ruhanga.

Kandi naanye nimbagambira nti: Omuntu weena orishenda omukazi we atamutuzire bushambani, akashwera ondiijo, aryaba ashambaine; kandi n'orishwera oshenzirwe nawe aryaba ashambaine.

Yesu yaagambira abeegi be ati: Buzimazima nimbagambira nti: Kigumire omutungi okutaaha omu bukama bw'omu iguru.