Popular Bible Verses from Luka 4

Share

Omwoyo wa Mukama ari ahariinye, Ahakuba akanshukaho amajuta kubuurira abooro ebigambo ebirungi, Yanguma kumanyisa enkwatwa eby'okurekurwa, N'okumanyisa empumi eby'okuhumuurwa, N'okurekura abarikwitwa kubi, N'okurangira abantu omwaka gwa Mukama ogw'embabazi.

Yesu yaamugarukamu naamugira ati: Kikahandiikwa ngu, Oramye Mukama Ruhanga waawe, obe niwe waaheereza wenka.

Yesu yaamugarukamu ati: Kikahandiikwa ngu, Omuntu tatungwa by'okurya byonka.

Kandi Yesu akaruga Yorudani, aijwire Omwoyo Orikwera, yaatwarwa Omwoyo omu ihamba

Yesu yaamugarukamu naamugira ati: Kikagambwa ngu, Otaryosya Mukama Ruhanga waawe.

Bwanyima Omwohi Sitaane, ku yaaherize byona ebi yaabaire naamwohesa, yaamurugaho, okuhitsya obu aribona ogundi mwanya.

Omwohi yaagaruka yaamutembya, yaamworeka obugabe bwona obw'omu nsi yoona omu mwanya mukye, yaamugira ati: Niinyija kukuha obushoboorozi obu bwona n'ekitiinisa kyabwo; ahakuba nkabuheebwa, kandi mbuheereza ou ndkunda weena. N'ahabw'ekyo, ku oriname wandamya, bwona nibuba obwawe. Yesu yaamugarukamu naamugira ati: Kikahandiikwa ngu, Oramye Mukama Ruhanga waawe, obe niwe waaheereza wenka.

Bwanyima yaamwinamura Yerusaalemu, yaamuta aha itungu rya hekalu, yaamugambira ati: Ku oraabe ori Omwana wa Ruhanga, ruga aha, ogurukye oyetsimbe ahansi; ahakuba kikahandiikwa ngu, Aryaragiira baamaraika be, bakurinde; kandi ngu: Baryakukwatirira omu mikono yaabo, ngu otakaahikiza ekigyere kyawe aha ibaare. Yesu yaamugarukamu naamugira ati: Kikagambwa ngu, Otaryosya Mukama Ruhanga waawe.