Popular Bible Verses from Luka 14

Share

Omuntu weena, orikwija ahi ndi, atangire ishe na nyina, n'omukazi we, n'abaana be, na beene ishe, na banyaanya, kandi n'amagara ge, tarikubaasa kuba mwegi wangye.

Weena oteekorera musharaba gwe, akankurata, tarikubaasa kuba mwegi wangye.

Ahakuba weena orikwetunguura aryagarurwa ahansi; kandi orikwegarura ahansi, aryatunguurwa.

N'ahabw'ekyo omuntu weena omuriimwe tarikubaasa kuba mwegi wangye, yaaba atatsigire bi aine byona.

N'oha omuriimwe, owaakuba naayenda kwombeka omunaara, atabanze kushutama akabariirira eby'emirimo yaagwo, akamanya ku araabe aine eby'okuguheza; ku yaakuba atatwarize atyo, akiba yaaheza omusingi, akaremerwa aho, abarikukireeba boona bakaatandika kumushekyerera, nibagira bati: Omushaija ogu akatandika kwombeka, tiyaabaasa kuheza.

Kwonka, ku oriba waateekire eby'okurya, oyete abooro, ebimuga, ebirema, n'empumi; kandi oryaheebwa omugisha; ahabw'okuba bo tibaine ky'okukwihura; oryaihurwa aha kuzooka kw'abahikiriire.

Omwonyo ni murungi; kwonka ku guraabe guhweirwemu ensha, muryagigaruramu muta? Niguba gutakishemererera musiri, n'obu rwakuba orubungo; bafa okugunaga. Oine amatu agarikuhurira, ahurire.