Popular Bible Verses from Luka 13

Share

Mwezirikye kutaahira omu irembo erifunzire; ahakuba nimbagambira nti: Baingi baryayetenga kutaahamu, tibaribaasa.

hakaba harimu omukazi omazire emyaka ikumi na munaana ariho daimoni orikumuzya; akaba ainami, atarikubaasa kwinamuka. Yesu ku yaamureebire, yaamweta, yaamugira ati: Mukazi 'we, waabohoororwa omu bumuga bwawe.

Yaamutaho engaro; ahonaaho yaagororoka, yaahimbisa Ruhanga.

Kandi reeba, hariho ab'enyima abariba ab'okubanza, n'ab'okubanza abariba ab'enyima.

Nyineeka ku ariheza kwimuka n'okukinga orwigi, muryatandika kwemerera aheeru kukongoota aha rwigi nimwiguza, nimugira muti: Mukama waitu, twigurireho. Nawe aryabagarukamu ati: Tindikumanya i murikuruga.

Nimbagambira nti: Tikwo kiri; mumanye ngu naimwe ku muraabe muteeteisize, muryahwerekyerera mwena nkabo.

Kwonka aryabagarukamu ati: Nimbagambira nti: Tindikumanya i murikuruga; mundugye omumaisho, imwe enkozi z'ebibi.

N'ahabw'ekyo yaagira ati: Obukama bwa Ruhanga nibushusha ki? Kandi nimbugyeranisa na ki? Nibushusha nk'akajuma ka sinaapi, aku omuntu yaatwaire, akakabiba omu musiri gwe; bwanyima kakakura, kakaba omuti; enyonyi z'omu mwanya zikaarika omu mataagi gaagwo.