Popular Bible Verses from Zabbuli 119

Share

Ekigambo kyo ye ttabaaza eri ebigere byange, N'omusana eri ekkubo lyange.

Ntadde ekigambo kyo mu mutima gwange, Nneme okwonoona mu maaso go.

Omuvubuka anaalongoosanga atya ekkubo lye? Nga yeegendereza ng'ekigambo kyo bwe kiri.

Balina omukisa abo abeekuuma bye yategeeza, Abamunoonya n'omutima gwabwe gwonna.

Ggwe oli kifo kyange kye nneekwekamu, n'engabo yange: Nsuubira ekigambo kyo.

Ompe amagezi, nange nneekuumanga amateeka go; Weewaawo, nnaagakwatanga n'omutima gwange gwonna.

Okyuse omutima gwange eri ebyo bye wategeeza, So si eri kwegomba.

Kwangasa okubonyaabonyezebwa; Ndyoke njige amateeka go.

Eryo lye ssanyu lyange bwe mbonyaabonyezebwa: Kubanga ekigambo kyo kinzuukizizza.

Ompise mu kkubo ly'ebyo bye walagira: Kubanga mu eryo mwe nsanyukira.

Onjigirize, Ayi Mukama, ekkubo ery'amateeka go; Nange nnaalyekuumanga okutuusa enkomerero.

Emmeeme yange esaanuuse olw'okunyiikaala: Ompe amaanyi ng'ekigambo kyo bwe kiri.

Amateeka go nga ngaagala! Ago ge nfumiitiriza okuzibya obudde.