Popular Bible Verses from Philippians 3

Share

Aniqatiit, iḷisimaruŋa tainnaiḷiŋaisilaamnik-suli. Atausiq sivuniġiliutiŋagiga iñuusimñi, itqaumaŋaiġukługich iluqaisa sivuani piŋaratka, aasii paŋmapaŋmiñaglaan pisuqtilaaġluŋa iñuulluatapiaġniaġluŋa Christ-tun. Aqpaliurraqtitun siġġaqiruŋa sivunmun tikitqaurraqługu killi, akiññaktaaġisukługu iñuuniksraq paŋmani. Taamna pisigivlugu God-im ququaŋagaaŋa Christ Jesus-kun.

Pigisutualukkiga iḷitchuqsriñiq Christ-mik aunniummaġiksiḷugu, suli iḷisimallasiḷugu iḷumni suaŋŋan aŋipkaiŋaruaq tuqqunmiñ ilaanik, suli iḷaŋiutiluŋa nagliksaaqtirrusiaŋiñiñ, nagliksaaqtitauluŋa ilaa pisigilugu, tuquyumaluŋa ilaatun, qakugukpan aŋipkaqtitauyumiñaġumauŋa tuqqunmiñ iñuggunmun.

Isummatigiłhiñaŋiñmigitka tainna tamatkua kisiisa, aglaallu supayaat suksraallapiaġitka anniqsuutauŋaiqł̣ugich urriqatausaqpata anniqsuutaułhamaaqtuamun iḷitchuġivlugu Jesus Christ uvaŋa Ataniġa. Ilaa pisigivlugu isummatigiliġitka tamatkua iluqaisa iktaksratun, igiłługich anniqsuutauyumiñaiñmata, pigisukługu Christ

Aglaan tamatkua isummatigisuuŋaratka anniqsuutaunasugalugich annaurrauniksrapkun paŋmapak isummatigiliġitka piñaiḷutauvlugich annaurrauniksramun, qanuq Christ kisimisualuk annautigaaŋa.