Popular Bible Verses from Colossians 1

Share

God-im annautiŋagaatigut atanniqsimmataaniñ Tuunġaum, iñuummatun ittuamiñ taaqtuami, nuurrutivluta atanniqsimmataanun Iġñiġmi piviuttaġirami.

Ilaa God-itun ittuq qanuq ilaagun supayaat savaaguŋarut, sut qiḷaŋmiittuat sullu nunamiittuat, sut tautugnaqtuat sullu tautugnaitchuat, tamatkua ilitqutchich atanniqsimanniktuat, ilitqusiḷḷu suaŋŋatiqaqtuat sapiġñaqtuallu. Tamatkua iluqaisa Christ savaŋagai inmiñuksrivḷugich.

Christ inŋaruq sivuanni supayaat, aasii ilaan suaŋŋataata igliqtitkai atautchikun piqatigiikł̣ugich supayaat savaani.

Christ God-itun ittuq tautugnaitchuatun. Ilaa inŋaruq sivuanni supayaat savaaguŋaiñŋaisa.

Taimaŋŋaqaŋa uvlumiñ tusaaviptiŋniñ taavrumiŋa, aŋaiyyutigivsi-suli, apiġivlugu God ataramik ikayuquvlusi iḷitchuġipiaquvlugu qanuq God-mun pitqutilaaqsi, Ilitqusiġiksuamun isumatusipkaquvlusi kaŋiqsipkaquvlusiḷu sumik God-im pitquyumakkaŋanik ilivsiññun. Suli aŋaiyyutivlusi iñuusiqaquyumavlusi nalliummatiruamik Ataniġmun, iviġaumalugu Ataniq supayaanik piguvsi, ataramik nakuurualiqilusi suli iḷitchuġisaiññaġlugu God.