Popular Bible Verses from 1 Timothy 2

Share

Qanuq atausiuruq God, suli atausiq atisipkaiñiaqti God-miglu iñuŋniglu, iñuk Christ Jesus, piviksraq nalautinman tuqutinŋaruaq inmiñik tasuqsaqługich iñupayaat. Taamna ukpiġnaqsiḷġutauŋaruq God-mun annaurrautqutilaaŋannik iñupayaat.

Tavra apiġipiaġivsi aŋaiyyutigiłhaaquvlugu sivulliġilugu aŋaiyyutilugich iñupayaat, qiññuaqtuutilugich God-mun nagligitqulugich, quyyavigilugu supayaatigun ilaan piñiakkaŋigun pisilugich iñuich. Aŋaiyyutilugich umialgich iluqaisalu ataniġnaqusiraqtuat, iñuuyumaugut tuaksruitchuamik tutqigñaqtuamiglu, god-tiliqiruamik isumakkusiaqaġluataqtuamiglu suraġaġnipayaami.

Kipiġniuġutigigiga sumipayaaq iñuich aŋaiyyutquvlugich isaaġutilugich argatiŋ, iñuuniaqtuaguruat iḷumun pisilugu God qinnautaiḷḷutiŋ naagga qanaaġutaiḷḷutiŋ iñupayaanun. Aġnat annuġaaqtuqtuksraugaluaqtut qaaŋiulaaŋaŋaiġḷutiŋ isumattutikullu iruġnaiġḷutiŋ annuġaaġlutiŋ. Aġnat ukpiqtuat nalunaigiraksraułhaaŋaiġḷugich nutchiqiniġmikkun, naagga qiñiyunaqusiqsuġniġmikkun uyamitquanik akisuruanik, naagga akitchuuqtinniġnik annuġaanik, aglaan iḷisimanałhaaġlutiŋ savaalluatatigun nalliummatiruatigun aġnanun aŋaiyyuliqiniruanun.