Popular Bible Verses from 1 Peter 5

Share

Uqauttusiuŋ God uŋiarrisigikkavsiññik aasii tutqiksiḷusi, qanuq ilaan qaunaksraġigaasi.

Aasii nagliksaaqtuallaanikkuvsi sivikitchuamik, God-im nagliktauqpaktuam qaitquriŋaruavlu ilivsiññik piqatautquvlusi ilaan isuitchuamun kamanaunmiñun atausiŋŋuqatigiŋakavsiuŋ Christ, naamasiñiaġaa ukpiġurri, nalupqisuutiqaġumiñaiġḷusi, maliksuyyataiġḷusiḷu.

Aŋalalluataġitchi ilivsiññik. Nipuŋaitchitchi. Qanuq akiḷḷiqsi Tuunġaq ataramik ukpiġutaiqsitchiñiaqtuq ilivsiññik, iqsiñaqtuatun ugiallavluni lion-tun kukiḷuktuatun sumulliqaa niqiksraqsiuqłuni. Akiḷḷiḷiqsuqsiuŋ ukpiġutiqaqtuiññaġlusi suaŋaruamik, qanuq iḷisimarusi ukpiqtuaguqatisi nunami iluqaani nagliksaaġmiuttauq ilivsisun.

Kamanaiġitchi ilivsiññi God-mun aŋalatchumiñaqsiḷugich iñuutchisi ilaan suaŋŋanmigun, aasii ilaan kamanaqsipkaġniaġaasi nalautitpan piviksraq.

Tainnatuttauq siḷġiqsuġlavsi ilivsi nukatpiat. Kamakkutiqaġitchi utuqqanaanun. Iluqasi kamasaaŋaiġḷusi ikayuutisitchi avanmun, qanuq Bible uqaluqaqtut inna, “God-im akiḷḷiḷiqsuġai kamasaaqtuaguruat, aglaan ikayuqsimaaġai iñuich kamasaaŋitchuat.”