Popular Bible Verses from Markus 4

Share

Rona nola nunia, Yesus nadeer, hotu nakahik anin nia naꞌak, “Makmatek!” Nia moos naruka debu boot nia naꞌak, “Noo-nook ona!” Hotu, anin nia nanawa kedas. Nunia moos, laloran iha debu nia nakmatek kedas. Hotu Yesus nasee Niakaan maktuir sia naꞌak, “Tan saa emi hataꞌuk nunia? Emi sei la fiar baa Haꞌu ka?”

Mais sia hotu-hotu nataꞌuk no blaar. Sia namaas baa malu naꞌak, “Nia neꞌe see? Toꞌo anin no laloran moos rona baa Nia!”

Baa oras laꞌo, Yesus toba luni kluni toꞌo dukur iha bero ikun. La kleur, anin dadurus mai. Laloran moos basak natama wee baa bero laran, toꞌo kreꞌis nakonu. Yesus Niakaan maktuir sia nataꞌuk tebes. Hotu, sia fuꞌa nadeer Nia naꞌak, “Ama! Madeer lai! Ama la madomi ami ka?! Ita atu mate mout ona!”

Hotu, Yesus katak tenik naꞌak, “Hanoin diꞌa-diꞌak lia neꞌe! Kalo emi sukat ema seluk, ema moos sukat fila emi. Naꞌi Maromak moos atu sukat emi. Mais Niakaan sasukat, todan liu tenik.

Hotu, Yesus nalore tenik naꞌak, “Naꞌi Maromak hutun-renun hanesan fini mak ema kari iha toꞌos laran. Kari hotu, ema nia fila nikar, toba-nadeer, la nanoin tenik fini nia. Masik nunia moos, fini nia tubu duꞌuk toꞌo boot.

See mak no tilun, rona diꞌa-diꞌak!”