Popular Bible Verses from Markus 11

Share

Keta haluꞌa! Kalo emi hamulak hodi husu sa-saa baa Naꞌi Maromak, Nia nanis foo baa emi. Surak emi fiar tebe-tebes!

Kalo emi fiar tebe-tebes, emi bele haruka foho ida nakfokit lori baa tasi. Nanis foho nia nakfokit lori baa tasi, surak emi fiar metis hodi neon no laran.

Mais baa oras hamulak, kalo ema ida nosi emi laran sei manas no ema seluk, musti baa diꞌak hikar ho ema nia lai. Foin, emikaan Ama iha laleꞌan kasu mohu emikaan salan.

Yesus nataa naꞌak, “Tebes! Surak emi fiar baa Naꞌi Maromak.

Hotu, Nia katak baa ema nia sia naꞌak, “Hori uluk Maromak naruka Niakaan makoꞌan nakerek nela naꞌak, ‘Haꞌu kariik Haꞌukaan Uma, nebee ema raiklaran tomak bele mai namulak baa Haꞌu iha nia!’ Emi hatene lia nia tiꞌan, mais emi sei halo luku Uma neꞌe dadi baa ema naꞌok nuuk!”

Ema nia sia balu laꞌo uluk Yesus, balu tenik nosi kotuk. Sia nahii bele-bele naꞌak, “Hosana! Ami tonu-haboot Naꞌi Maromak, tan Nia natuun matak-malirin baa Ema mak mai nodi Niakaan naran.

Hosana! Ami tonu-haboot Naꞌi Maromak, tan Nia atu nariik nikar Naꞌi Daud fohorain! Hosana! Ami tonu-haboot Naꞌi Maromak, tan Nia nabesi aan iha laleꞌan mak aas kaliuk!”