Popular Bible Verses from Matie 6

Share

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Yili ɓa, ka hvo tinąą mɛ̨nį ta niihɛlɛn ɉee. Tinąą a niihɛlɛn a gbɔwɔ mąą mɛ̨nį. Hvóló kəlee mąąkpaan bɛliɛi lɔ gbɔwɔ ɓa.»

Yili ɓə gɛi, gɛ́ kaa: «'Ka hvo ka liihɛlɛn a kɔ̨nɔ̨n mɛ̨nį, da yii mąąnɛ̨ɛ̨ ka gbələ, ə mą kɛ, yii mąąnɛ̨ɛ̨ ə kɛ ka yəi, kaa yɛnɛ̨ɛ̨ kɛ la. Ka hvo kpɛli ka liihɛlɛn a ka mąąhəɠə mɛ̨nį. Nu nɔw hviala hvo ɓo li hvo tɛɛ kɔ̨nɔ̨n ma? Nu kɔ́lɔ hviala hvo ɓo li hvo tɛɛ nu mąąhəɠə ɓa?

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Bələi mąąnɛ̨ɛ̨ ka Yálá hvɛli la bələ ka, ka kɛ mą: «‹Ku Ną́n yɛ́i ə́ kaa yələkɔlɔn ɉu, Ə́ laa mąą ə həɠə. Ə́ wɔ tɔɔlaa ə pa. Ə́ liiɓa ə kɛ lɔi mɛ̨i yɛ bələi gaa kɛi la yələkɔlɔn ɉu.

Háákələi kɔ̨nɔ̨n dɛɛ ku pɔ.

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

«Yili ɓa, akɛ nuąi da kɛ mɛ̨nį ɲɔ̨n gɛi a kaa, ka kɛ di mąąhvaalɛɛi, bələ lɔ ɓə, ka Nąn yaa kpɛli a ka mąąhvaalɛɛ la.

Ka nwɛ̨niɠaa kaa, di hva hihɛn ɉi, di hva hɛn da laaikɛ kələi. Kɛlaa, ka Ną́n gaa yələi a di kɔ̨nɔ̨n gɛ! Gu hvo mun kɛ, kaa, ka hviala hvo ɓo li hvo tɛɛ nwɛ̨niɠaa diɛ?

«Ka hvo ka wɔ hɛn gɔw laaikɛ ɲɛnɛ̨ɛ̨ ŋɛ̨i hu, ɓɛi koló a pu laa hɛnŋąą hu, kpɛ̨ɛ̨ yɛ hee daɠaa diɛ, nwuɔ̨ nuą diɛ pɛlɛ laa yali, diɛ nwuɔ̨ kɛ laa. Kɛlaa, ka ka wɔ hɛn gɔw laaikɛ yələkɔlɔn ɉu, ɓɛi koló hva pu laa hɛn da hu, kpɛ̨ɛ̨ hva hee la hɛn da ɓa, nwuɔ̨ nuą di hva pɛlɛ laa yali laa, diɛ nwuɔ̨ kɛ. Mąąhɔlɔɓo, ɓɛi ə́ wɔ hɛn gɔw kaa laa, nąą ɓə ə́ wɔ kiliŋąhiɛ kaa laa.»

«Nu hva pɛli tíi tɔɔmun veelɛ ɓa a gee. Ya dɔ̨nɔ̨ wɛli la kɛ, dɔ̨nɔ̨ wɛli ə kpɛɛ yɛ́. A wala kɛti, yá lɛɛ dɔ̨nɔ̨ woo mu, ə́ dɔ̨nɔ̨ hviiɓo. Ka hva pɛli kɛi a Yálá nwɔ tí mun, kaa ɓo nwɔ̨nɔ̨, a wali nwɔ tí mun.»

Éé kə! Kaai ka wɔ laa na laa hvo kɛnɛ̨ li! Gáá moi kaa, akɛ, Yálá a lɔwɛi wuluɠaa mąąyili tii, diɛi di hva lamu yɛnɛ̨ɛ̨, diɛ di kələn, kaa mun ka hviɛlaɓoɔ, hva ka mąąyili həɠə kɛ ə tɛɛ nwuluɠaai tii diɛ?

Kɛlaa, yɛ́ ə́ wɛi, yá kɛi mąąwɛli mun gɔ́ a hɛn da, gɛ a loo mɛ̨nį, nu ta hvo gbaɠala kaa. Ya ɓə a gɛ, ə́ wɔ kɔ́ɓo hɛn ə lɛɛ a nooɔ. Ə́ Nąn Yálái a loo mɛ̨nį hu kaa, ya ɓə pai ə́ hvɛla kulɔi.»

«Ka gɛ a nɛlɛɛ, ka hvo ka wɔ kalan non naa, mąą túwɔ́ pələ kulɔ nuą ɲɛ̨i ɓa, ə gɛ, di ka káá. Akɛ ka gɛ tii, ka Nąn Yálái yələkɔlɔn ɉu, hva kɛa ka hvɛla kulɔ.

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo. Kɛlaa, ə́ wɛi, yá kɛi hin nɔ, ə́ ɲɛ̨i həɠeen, ə́ ə́ kwəinɛ̨ɛ̨. Ya ɓə a gɛ, nuą kili hva pu ɉu, diɛ ə́ kaa hin ɉu. Kɛlaa ə́ Ną́n a loo mɛ̨nį hu kaa, ya ɓɛ pai ə́ woo ŋąąpənəi.»