Popular Bible Verses from Matie 2

Share

Di lɔ bɛlɛ́n, di nokoloi da nee Mari di kaa. Di pu di nwungbəla, di kwɛli hvilɛn mą. Yili pulu, di di tiɛ̨ hvoloon. Di ɉamą a: hɛni, lansan, da mirə wulɔ.

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə. Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Ɓɛlɔwai di bɛmɛ̨lɛ̨n-gɔwi kaa la tɔɔni bɛlɛ mɛ̨i; di kwəi ə nɛ̨ɛ̨ kpɔ kɛnɛ̨.

Yili pulu, Yálá ə di kilaa pono hįį pələ yɛ diɛ: «Ka hvo pənə ka hvo tɛɛ a tɔɔmun Herodə pɔɔli pələ.» Di tɛɛ a pələ ta kpɛli, diɛ li di wɔ lɔi hu. Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»