Popular Bible Verses from Rɔmnda 8

Share

N sinà maa dɛnndan kpow la co tosanndo le dɛnɛ kɛndɛ vanaa kaola Hala-a, vanaa o veelu mɛɛ tuu ndɔɔ co yɛ-a.

Kani i laalan maa o va piɔ́mndo, o va yoomoo, o va mɛlɛkaa, o va kundala co o masalen nin coocoo lan, o va dɛnndan ndan sunsun, o va la co hunɔɔ lan, o va kpaayalan, o va ɲɛm co coocoo-on, o va ɲɛm co lebɛngu-on, o va ɲɛm celen Hala cɔw-von, ɲɛ-ɲɛ nɔlanin naa siɛi a kaola Hala kaola naa o Maalii naa Yeesu Krista nin-ndo le.

Lende koni Kɔl-Diandaa co naa malaa o kpaaya naa lepɛŋndo nin ni, kani n sinà ɲɛ naa n bɛnda le ɲunaa o piɛile naalen nin-ndo le. Kɛ Kɔl-Diandaa pila co piɛilen le naa a kuŋnda vanaciee nɔla tuula le lan.

Vɛɛ naa n dimi yɛnin vɛlɛ a ken o kɔɔ? Te Hala co pɛ le naa, nɛ̀ɛ́ cɔlɔba yɛnin naa?

Yaala co lɛ le vanaa co o Yeesu Krista nin-nda le.

Kani dɛnnda n'falulan la co piɔ́mndo ni. Kɛ dɛnnda Kɔl-Diandaa la co yoomoo a kɔlɲuloo ni.

Kɛ o dɛnnda lan nin kpow, vana kaola naa-o tosa ni mí n va caanda tiwvo ba.

I ce maa vana tuu sangala co naa coo sisa lan a biilu hun fulanin ceen le naa-o le.

Nɛ̀ɛ́ sɛi yɛnin naa a canyɛi Krista-e? Mo va maa dɛnɛ palaa ni? Buulan bɛndoo bàà? Yaamɔɔlen bàà? Yiaan bàà? Bala fondolan bàà? Kpundɛlan bàà? Mɔɛi cɔwve bàà?

Hala ca o kɔltan nin di-o sinà yiyan Kɔl-Diandaa. Kani mɛɛ hɛnan Hala-o co yɛ Kɔl-Diandaa piɛi le vanaa diandaa ni.

Kani vanaa-vanaa Kɔl Hala-o co simndan laci, nda co cuavaa Hala-a ni.

Kani vanaa co kelaa o falon nin-nda, dɛnnda n'falulan nda tosa ni, kɛ a co o Kɔl-Diandaa nin-nda, dɛnnda Kɔl-Diandaa nda tosa ni.

Ndu kuunan Po ndɔ ndu pila-o coo loo, kɛ mó faŋa ndu baa coo le naa kpow, baa mò kɛɛ naa ɲɔɔn kpow ke naa Po ndɔ kon-ngaa latulu?

Kɔl-Diandaa pila co seilen solio o kɔlta naalan-ndo maa cuavaa Hala-a naa n co ni. Nduyɛ, te cuavaa ndɔa naa n co ni, mɛɛ vanaa cuaa kɛ-a naa n co ni, vanaa cua kɛ Hala-o-a pɛɛn. Naa Krista-aa n cuanin ndu latulu ni, te n sanga pɛ naa ndaa latulu, haliko mi n sɔla biiloo naa ndaa latulu.

Kani dɛnnda n'falulan la co yaamɔɔ Hala-o ni. Bau la bii tɔŋ Hala-o le, la nɔla bɛɛ ndu biyɔɔ le.

Ɲɛm Hala cɔw-von kpede n co telen Hala hun cɔmnin biilu cuavaa ndɔa-o cumndo a yeemɛi bɛnduei.

Nduyɛ n sinà maa háá sisa, ɲɛ-ɲɛ Hala cɔw co somisominndo a sangaa maa vanalanɔ pulei biŋin-ndo.