Popular Bible Verses from Matie 4

Share

Mí Yeesu muli aa: «O co o sɛvaa aa: ‹O co ko ɲɛdiaa daama le tosa mì vanacieo va yoomu le, kɛ sɔɔn fula Hala o sondo-on kpow n tosa ni mì vanacieo va yoomu.›»

Mí Yeesu dimul ndu aa: «Faŋan ya kɔɔli, Setana! Kani o co o sɛvaa aa: ‹Mɛlɛka Hala nɔmndo n bɛnda le biiloo ni, ndu pilɛ kpé n bɛnda le baalaa tosallo ni.›»

Mí Yeesu mulul ndu aa: «O co vɛlɛ o sɛvaa aa: ‹Tɔɔndan Mɛlɛka le, Hala nɔmndo pɛɛn.›»

O kon kɔɔli, mí Kɔl Hala-o kɔa a Yeesu o lɛŋnde veselɛilen nin, haliko mi masa ɲinaa vɔɔnda ndóò dɛɛniaa ndu. Mí Yeesu cii palɛi belehiɔɔlu a ɲumndan belehiɔɔlu o sumndo nin. O kon mí yiaan ma nɛi ndu.

Mó dimul nda aa: «La del-la kɔɔli, mì siinguu niaa vanaa yɔɔyaa n'vanndacieea.» Fɔ́ɔ́fɔ̀, má mal yalala ndalan, má kɔa ndu kɔɔli.

Cɔn nin a telen kon, mí Yeesu kandu yondaa, mó va dimio aa: «La mal yɔŋ vɔɔndo mì la mangalan, kani masale halataala len le tiiyaa.»