Popular Bible Verses from Dɛnnda kiilaa 5

Share

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Lepalaa-lepala, a ve pɛngi hiovɔɔ laci a vannda pɛɛkoo o Cɛi-Hala-o nin a o la nda lo cɛilan nin te. A va nda vɛlɛ Yoongu Kɛndɛ Yeesu Krista-o tiiyallo.

Kɛ mí Piɛr ɲuna ndu aa: «Ananias, le yɛɛ nɛ n kumbil-lɛ Setana kɔl nɔmndo le Hala Kɔl-Diandaa còòlan dimullo, má faŋa volin n pisi yondoo-on baa pilɔɔ le nɔm pila? Nɔm óò tiwba mí nɔm óò manda yondo kon, te kon te, mɛɛ nɔm óò cii ndu pisi yɛ, mí nɔm óò manda volin mun. Kɛ le yɛɛ nɛ n tosa yɛ dɛnɛ vaa nuaa? O co vanaciee le n dimul còòlan te, kɛ Hala n dimul còòlan nuaa ni.» Ananias tueyɔɔ sɔɔn mun, mó del, mó vu. Mí siòòŋii bɛnduei bii vanaa tuei dɛnɛ kon-nda kpow.

Lelan sunsun, yiyan nuu co hoo ni, la mulul lɛ vannda ha le, la mal nda mà kɔɛnnun. Kani te yiyannda ivanacieea lan tuula ndalan a dɛnnda ndalan la co ni, la co hunɔɔ itambu. Kɛ te Hala o ba la co yɛ fulaa ni, la nɔlanin ndan tɛɛmbuu le. Lelan la caa dɛ, yɔŋii niaa pila simul Hala!» O kon mí vanaa kialaa n'yamaa lelɛŋnda cɛl yiyan Kamaleɛl cɔm kon-ndo