Popular Bible Verses from Lukə 9

Share

Yili pulu, Jesus ə mo nu kpului tii kɛ nąą diɛ, yɛ diɛ: «Akɛ nu ta kaa bɔ ə hvilɛn bului, hvo kɛ li mąą nu ə lənə gbɔwɔ ɓa, ə ɉaa wulu həɠə a hvóló kəlee ə hvilɛn búlú.

Mąąhɔlɔɓo, nui a nɔ̨ɔ̨ mąąkɔ̨nwɔ̨, a hvɛɠɛ la. Kɛlaa, nui hva ɉaa mɛ̨nį niihɛlɛn ɉee, hva hvɛɠɛ a nɔ̨ɔ̨.

Jesus yɛ mą: «Akɛ nu ta a kɛɛ hiɛɛ kɔ́wɔ tɔɔ lɔ, yɛ bulu kaa, a kɛ tii, mąą nu hva pɛli tiɓo kɛi Yálá-taa tɔɔlaai hu.»

Nu a yɛnɛ̨ɛ̨ hɛnŋąa kəlee hɔlɔɓo, ə haa, yili dɔ̨nɔ̨ ɓaa a lə?

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Jesus yɛ mą: «Kɛlɛnŋąa lɔ wolo kaa di yəi, ə mą kɛ, nwɛ̨niɠaa taa kaa di yəi, kɛlaa, kɛɛnąą ta hvo kpɛli ɲą́ą́ ŋɛ̨i a Nu Lon ɲə́i, ɓɛi ŋą vįitɔɔlaa.»

Yili pulu, ə mo diɛ, yɛ diɛ: «Nui a ɲee hee nokoloi ŋɛ̨i mu ɲą́ą́ mąą mɛ̨nį ɓa, a kɛ tii, ɲą́ą́ ka tii aa ɲee hee mú, nui a ɲee hee múi, a kɛ tii, nui dɛ́ɛ́, yaa ka tii aa ɲee hee mu. Mąąhɔlɔɓo, nui gaa a lokolo ka lɔwai, yaa ɓə gaa a nu kɛnɛ̨.»