Popular Bible Verses from Lukə 6

Share

Ka ka ɓɛlaa mąą kpaan gbɛɛ, Yálá a ka mąą kpaan gbɛɛ; gaa pai gɔwɔn ɉi ə mąą kpɛŋɛn ə gboloton dɔɔ, ə bu ka yəi ɉəɠə kpɔlɔ hu. Pələi lɔ ka káá mɛ̨inɛ̨ɛ̨ kɔ́ɔn ɉi la, kaa dɛɛ nuą pɔ, bələ kpɔlɔ ɓə Yálá kaa pai gɔwɔn ɉi la, yɛ dɛɛ ka pɔ.»

Nu kwəi kiliŋąhiɛ lɛlɛɛ lɔ ɓə, mɛ̨nį lɛlɛɛ kɛɛ a kulɔ ɉu. Nu kwəi kiliŋąhiɛ ɲɔ̨nwɔ̨ɔ̨ lɔ ɓə, mɛ̨nį ɲɔ̨nwɔ̨ɔ̨ kɛɛ a kulɔ ɉu. Mąąhɔlɔɓo, yii gaa nu nwɔ kiliŋąhiɛ hu, ya ɓə a tɛ na.»

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Mąąnɛ̨ɛ̨, ka laa ə hvɛɛ a mɛ̨nį lɛlɛɛ, yɛ pələi ka Nan Yálá laahvɛɛ la a mɛ̨nį lɛlɛɛ kɛɛ.»

«Ka hvo nui lɔpee ta kiti tee. Əgɛ, Yálá hvo pa ka kiti tee. Ka hvo nui lɔpee ta kɛ a hɔn mąą mun, əgɛ, Yálá hvo pa ka kɛ a hɔn mąą nuą. Ka nuą mąąhvaalɛɛ, əgɛ, Yálá ə pa ka mąąhvaalɛɛ.

«Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ. Nuąi da ka nɛ̨ŋɛ̨n nąą, ka lúwɔ́ too diɛ. Nuąi da mɛ̨nį nwanąą laa kaa, ka Yálá hvɛli diɛ.

Mɛ̨nįi yɛ nuą di gɛ yɛ, gbɛa yili ɲɔ̨nwɔ̨mąn gɛ diɛ.

Nu a ə́ wəli tɔ̨nɔ̨ lɔwa, dɔ̨nɔ̨i tii tinɛ̨n ə nowa. Nu ta a too ə́ mɛ̨i, yɛ ə́ ə́ wɔ gbaawii həɠə, mu həɠə pɛlɛ mą ə́ dɛɛ bɔ. Nui lɔpee a hɛn da hvɛli yɛ́, dɛɛ bɔ. Nu a ə́ yəi hɛn ɉəɠə, hvo gulɔ ɲəi.

«Wulu lɛlɛɛ, hva ɓa a ɲɔ̨nwɔ̨ɔ̨, wulu ɲɔ̨nwɔ̨ɔ̨, hva ɓa a nɛlɛɛ.

Wulu kɔ́lɔn ɉɛn mąą a ma. Nu hva pɛli magolon gulɔi gaani wulu hu. Nu hva pɛli kwɛnɛɛ kulɔi gabin ɲąąlən ɉu.