Popular Bible Verses from ဆာလံကျမ်း 77

Share

အကျွန်ုပ်​သည် ထာဝရဘုရား​၏ လုပ်ဆောင်​တော်မူ​ချက်​တို့​ကို အောက်မေ့​ပါ​မည်​။ ရှေးကာလ​၌ ကိုယ်တော်​ပြု​တော်မူ​သော အံ့ဖွယ်​သော​အမှု​တို့​ကို အမှန်ပင် အောက်မေ့​ပါ​မည်​။ ကိုယ်တော်​၏​လုပ်ဆောင်​တော်မူ​ချက် ရှိသမျှ​တို့​ကို​လည်း အကျွန်ုပ်​ဆင်ခြင်အောက်မေ့​ပါ​မည်​။ ကိုယ်တော်​ပြု​တော်မူ​သော​အမှု​တို့​ကို​လည်း တွေးတောဆင်ခြင်​ပါ​မည်​။

ကိုယ်တော်​သည် အံ့ဖွယ်​သော​အမှု​တို့​ကို ပြု​တော်မူ​သော​ဘုရား​ဖြစ်​တော်မူ​၏​။ ကိုယ်တော်​၏​အစွမ်းသတ္တိ​ကို လူမျိုး​တကာ​တို့​အား သိမြင်​စေ​တော်မူ​ပြီ​။

အို ဘုရားသခင်​၊ ကိုယ်တော်​၏​လမ်း​သည် သန့်ရှင်း​ပါ​၏​။ မည်သည့်​ဘုရား​သည် ဘုရားသခင်​ကဲ့သို့ ကြီးမြတ်​သနည်း​။

ငါ​သည် ဘုရားသခင်​ထံသို့ အသံ​ကို​လွှင့်​၍ အော်ဟစ်​တောင်းလျှောက်​၏​။ ဘုရားသခင်​ထံသို့ အသံ​ကို​လွှင့်​သောအခါ ကိုယ်တော်​သည် ငါ့​ကို စူးစိုက်​နားထောင်​တော်မူ​၏​။ ငါ​ဆင်းရဲဒုက္ခ​ရောက်​သော​ကာလ​၌ ဘုရားရှင်​ကို​ငါ​ရှာ​၏​။ ညအချိန်​၌ ငါ​၏​လက်​တို့​ကို လက်ပန်း​မ​ကျ​စေ​ဘဲ ဆန့်တန်း​၏​။ ငါ​၏​စိတ်ဝိညာဉ်​သည် နှစ်သိမ့်ပေး​ခြင်း​ကို ငြင်းပယ်​၏​။