Popular Bible Verses from သုတ္တံကျမ်း 21

Share

ဖြောင့်မတ်​ခြင်း​နှင့် မေတ္တာကရုဏာ​ကို လက်ကိုင်ပြု​သော​သူ​သည် အသက်ရှင်​ခြင်း​၊ ဖြောင့်မတ်​ခြင်း​နှင့် ဂုဏ်သရေ​ကို တွေ့ရှိ​လိမ့်မည်​။

ဝီရိယ​ရှိ​သော​သူ​၏​အကြံအစည်​တို့​သည် အကျိုးအမြတ်​ကို ဧကန်​ဖြစ်​စေ​၏​။ အလျင်စလို​ပြုမူ​သော​သူ​တိုင်း​ကား ချို့တဲ့​နွမ်းပါး​ခြင်း​သို့​သာ​ရောက်​တတ်​၏​။

မိမိ​နှုတ်​နှင့် လျှာ​ကို စောင့်ထိန်း​သော​သူ​သည် မိမိ​အသက်​ကို ဆင်းရဲဒုက္ခ​မှ စောင့်ထိန်း​သော​သူ​ဖြစ်​၏​။

လူ​သည် မိမိ​ပြုမူကျင့်ကြံ​သမျှ​သော​အမှုအရာ​တို့​ကို မှန်​သည်​ဟု ထင်မြင်​တတ်​၏​။ သို့သော် ထာဝရဘုရား​သည် စိတ်နှလုံး​ကို​ချိန်တွယ်​တော်မူ​၏​။

စစ်တိုက်​ရ​မည့်​နေ့​အတွက် မြင်း​ကို​ပြင်ဆင်​ထား​သော်လည်း အောင်ပွဲ​သည် ထာဝရဘုရား​နှင့်​ဆိုင်​၏​။

ထာဝရဘုရား​သည် ယဇ်ပူဇော်​ခြင်း​ထက် ဖြောင့်မတ်​ခြင်း​နှင့် တရားမျှတ​ခြင်း​ကို ပို၍​နှစ်သက်​တော်မူ​၏​။

မည်သည့်​ဉာဏ်ပညာ​၊ ထိုးထွင်းဉာဏ်​၊ အကြံဉာဏ်​မျှ ထာဝရဘုရား​ကို​ဆန့်ကျင်​၍ မ​တည်​နိုင်​။

ဆင်းရဲ​သော​သူ​၏​ငိုကြွေးသံ​ကို​မ​ကြား​လို​၍ မိမိ​နား​ကို​ပိတ်​ထား​သော​သူ​သည် ကိုယ်တိုင်​ဟစ်ခေါ်​သောအခါ မည်သူမျှ သူ့​ကို​ထူး​လိမ့်မည်​မ​ဟုတ်​။