Popular Bible Verses from ဟေရှာယအနာဂတ္တိကျမ်း 59

Share

သင်​တို့​၏​ဒုစရိုက်​များ​က​သာ သင်​တို့​ကို ဘုရားသခင်​နှင့် ကွဲကွာ​စေ​၏​။ သင်​တို့​အပြစ်​များ​က​သာ မျက်နှာ​တော်​ကို သင်​တို့​ထံမှ​လွှဲ​စေ​၍ သင်​တို့​စကား​ကို​ကြား​တော်​မ​မူ​ခြင်း​ဖြစ်​၏​။

ကြည့်ရှု​လော့​။ ထာဝရဘုရား​၏​လက်​တော်​သည် မ​ကယ်တင်​နိုင်​အောင် တို​သည်​မ​ဟုတ်​။ နား​တော်​သည်​လည်း မ​ကြား​နိုင်​အောင် ထိုင်း​သည်​မ​ဟုတ်​။

ထာဝရဘုရား​က “​ဤသည်ကား သူ​တို့​နှင့်​ပြု​သော ငါ​၏​ပဋိညာဉ်​ဖြစ်​၏​။ သင်​၌​တည်​နေ​သော​ငါ​၏​ဝိညာဉ်​တော်​၊ သင့်​နှုတ်​၌​ငါ​ထား​သော ငါ​၏​နှုတ်ကပတ်တော်​သည် သင့်​နှုတ်​မှ​လည်းကောင်း​၊ သင့်​သားစဉ်မြေးဆက်​၏​နှုတ်​မှ​လည်းကောင်း​၊ သင့်​သားစဉ်မြေးဆက်​အဆက်ဆက်​၏​နှုတ်​မှ​လည်းကောင်း ယခု​မှစ၍ ကာလ​အစဉ်အဆက် တည်ရှိ​မည်​”​ဟု မိန့်​တော်မူ​၏​။

ထို့ကြောင့် သူ​တို့​သည် ထာဝရဘုရား​၏​နာမ​တော်​ကို အနောက်​အရပ်​မှ​လည်းကောင်း​၊ ဘုန်းအသရေ​တော်​ကို နေထွက်​ရာ​အရပ်​မှ​လည်းကောင်း ကြောက်ရွံ့​ကြ​လိမ့်မည်​။ အကြောင်းမူကား ထာဝရဘုရား​၏​ထွက်သက်လေ​မှုတ်ထုတ်​တော်မူ​၍ အရှိန်အဟုန်​နှင့်​စီးဆင်း​သော​မြစ်ရေ​ကဲ့သို့ ကိုယ်တော်​ကြွလာ​တော်မူ​မည်​။

ထာဝရဘုရား​က “​ရွေးနုတ်​တော်မူ​သော​အရှင်​သည် ဇိအုန်​တောင်​သို့​ကြွလာ​တော်မူ​မည်​။ အပြစ်​ကျူးလွန်​ရာ​မှ နောင်တရ​သော​ယာကုပ်​အမျိုးအနွယ်​တို့​ထံသို့ ကြွလာ​တော်မူ​မည်​”​ဟု မိန့်​တော်မူ​၏​။