Popular Bible Verses from ဟေရှာယအနာဂတ္တိကျမ်း 45

Share

ငါ​သည် သင့်​ကို အမည်​ဖြင့်​ခေါ်​သော အစ္စရေး​လူမျိုး​၏​ဘုရားသခင်​ထာဝရဘုရား ဖြစ်​တော်မူ​ကြောင်း​ကို သင်​သိရှိ​စေရန် အမှောင်​ထဲမှ​ဥစ္စာဘဏ္ဍာ​၊ လျှို့ဝှက်​သော​အရပ်​မှ​ဝှက်ထား​သော​ဘဏ္ဍာ​တို့​ကို သင့်​အား​ငါ​ပေး​မည်​။

“​သင့်​ရှေ့​မှ ငါ​သွား​၍ ကုန်းမြင့်​တို့​ကို ညီညာ​စေ​မည်​။ ကြေးဝါ​တံခါး​တို့​ကို​ချိုးဖျက်​၍ သံ​ကန့်လန့်ကျင်​တို့​ကို ငါ​ဖြတ်ပစ်​မည်​။

ငါ​သာလျှင် ထာဝရဘုရား​ဖြစ်​၏​။ ငါ​မှတစ်ပါး အခြား​ဘုရား​မ​ရှိ​။ သင်​သည် ငါ့​ကို မ​သိ​သော်လည်း ငါ​သည် သင့်​ကို​ခွန်အား​နှင့်​ပတ်စည်း​မည်​။ ငါ​သာလျှင် ထာဝရဘုရား​ဖြစ်​၏​။ ငါ​မှတစ်ပါး​အခြား​သော​ဘုရား​မ​ရှိ​ကြောင်း​ကို အရှေ့​အရပ်​မှ အနောက်​အရပ်​တိုင်အောင် လူ​တို့​သိမြင်​ကြ​လိမ့်မည်​။

ငါ​သည် အလင်း​ကို​ပုံဖော်ဖန်ဆင်း​၏​၊ အမှောင်​ကို​လည်း​ဖန်ဆင်း​၏​။ ငြိမ်းချမ်းမှု​ကို​ဖြစ်စေ​၏​၊ ဘေးအန္တရာယ်​ကို​လည်း ဖြစ်ပေါ်​စေ​၏​။ ဤ​အရာ​အားလုံး​တို့​ကို ငါ​ထာဝရဘုရား စီရင်​၏​။

မြေကြီး​စွန်း​ရှိသမျှ​တို့​၊ ငါ့​ထံသို့​ပြန်လှည့်​လာ​၍ ကယ်တင်​ခြင်း​ကို​ခံယူ​ကြ​လော့​။ အကြောင်းမူကား ငါ​သည် ဘုရားသခင်​ဖြစ်​၏​။ အခြား​ဘုရား​မ​ရှိ​။

ရှင်ဘုရင်​တို့​၏​ခါးပန်း​ကို​ဖြေချ​ပြီး တိုင်းနိုင်ငံ​တို့​ကို သူ့​အဖို့​နှိမ်နင်း​ပေး​ဖို့​၊ မြို့​တံခါး​ကို ပိတ်​မ​ထား​ဘဲ သူ့​အဖို့​အစဉ်​ပွင့်​နေ​စေဖို့ ငါ​ကိုယ်တိုင် သူ​၏​ညာလက်​ကို​ဆွဲကိုင်​ထား​သော​သူ ငါ​၏​ဘိသိက်ခံ​ကုရု​မင်းကြီး​အား ငါ​ထာဝရဘုရား​က

အကယ်စင်စစ် “​ငါ့​ရှေ့မှောက်​၌ လူ​တိုင်း​ဒူးထောက်​ကြ​ရ​လိမ့်မည်​။ လူ​တိုင်း​၏​နှုတ်​သည် သစ္စာဆို​ကြ​ရ​လိမ့်မည်​”​ဟု ငါ​ကိုယ်တိုင် ကျိန်ဆို​ပြီ​။ ဤ​ဖြောင့်မှန်​သော​စကား​သည် ငါ့​နှုတ်​မှ​ထွက်လာ​သည်​ဖြစ်၍ ပြန်လှည့်​လာ​မည်​မ​ဟုတ်​။

ငါ့​အစေအပါး​ယာကုပ်​၊ ငါ​ရွေးချယ်​သော​အစ္စရေး​အတွက် သင့်​ကို အမည်​ဖြင့် ငါ​ခေါ်​၏​။ သင်​သည် ငါ့​ကို မ​သိ​သော်လည်း ငါ​သည် သင့်​ကို​ဘွဲ့နာမ​ပေး​၏​။