Popular Bible Verses from ဒေသနာကျမ်း 5

Share

ဘုရားသခင်​၏​ရှေ့​တော်​၌​နှုတ်မြွက်​ရန် သင်​၏​နှုတ်​ကို​မ​လော​စေ​နှင့်​။ သင်​၏​စိတ်​ကို​လည်း မ​မြန်​စေ​နှင့်​။ အကြောင်းမူကား ဘုရားသခင်​သည် ကောင်းကင်ဘုံ​၌​ရှိ​တော်မူ​ပြီး သင်​သည် မြေကြီး​ပေါ်၌​ရှိ​၏​။ ထို့ကြောင့် သင်​၏​စကား​ကို နည်း​စေ​လော့​။

ဘုရားသခင်​သည် ဓနဥစ္စာ​နှင့် စည်းစိမ်​ချမ်းသာ​ကို​ပေး​တော်မူ​သော​သူ​တိုင်း​အား ထို​အရာ​တို့​ကို​ခံစား​သုံးဆောင်​ရ​သော​အခွင့်​ကို​လည်းကောင်း​၊ မိမိ​၏​ဝေစု​ကို​ယူ​၍ မိမိ​၏​ကြိုးပမ်းအားထုတ်မှု​၌ ဝမ်းမြောက်​ရ​သော​အခွင့်​ကို​လည်းကောင်း ပေး​တော်မူ​၏​။ ဤ​အရာ​သည် ဘုရားသခင်​ပေး​တော်မူ​သော​လက်ဆောင်​ဖြစ်​၏​။

ငွေ​ကို​တပ်မက်​သော​သူ​သည် ငွေ​အားဖြင့် အလို​မ​ပြည့်စုံ​နိုင်​။ စည်းစိမ်ဘဏ္ဍာ​ကို​တပ်မက်​သော​သူ​သည်​လည်း မိမိ​ရရှိ​သော​အရာ​အားဖြင့် အလို​မ​ပြည့်စုံ​နိုင်​။ ဤ​အရာ​သည်​လည်း အချည်းနှီး​ဖြစ်​၏​။

ဘုရားသခင်​၏​အိမ်​တော်​သို့​သွား​သောအခါ သင်​၏​ခြေလှမ်း​ကို​စောင့်ထိန်း​လော့​။ နားထောင်​ရန်​ချဉ်းကပ်​ခြင်း​သည် မိုက်မဲ​သော​သူ​တို့​နှင့်ဆိုင်သော​ယဇ်​ကို​ပူဇော်​ခြင်း​ထက် ပို၍​ကောင်း​၏​။ အကြောင်းမူကား သူ​တို့​သည် မိမိ​တို့​မကောင်းမှု​ပြု​နေ​သည်​ကို မ​သိ​ကြ​ချေ​။

ဘုရားသခင်​အား ကတိသစ္စာ​ပြု​သောအခါ ၎င်း​ကို​ပြည့်စုံ​စေရန် မ​နှောင့်နှေး​စေ​နှင့်​။ အကြောင်းမူကား ကိုယ်တော်​သည် မိုက်မဲ​သော​သူ​ကို နှစ်သက်​တော်​မ​မူ​။ သင်​ကတိသစ္စာ​ပြု​ထား​သည့်​အတိုင်း ပြည့်စုံ​စေ​လော့​။

ကတိသစ္စာ​ပြု​ပြီး မ​ပြည့်စုံ​စေ​ဘဲ​နေ​ခြင်း​ထက် ကတိသစ္စာ​မ​ပြု​ဘဲ​နေ​ခြင်း​က ပို၍​ကောင်း​၏​။

အလုပ်​လုပ်​သော​သူ​သည် အနည်းငယ်​စား​သည်​ဖြစ်စေ​၊ များစွာ​စား​သည်​ဖြစ်စေ နှစ်ခြိုက်​စွာ​အိပ်စက်​တတ်​၏​။ ချမ်းသာ​သော​သူ​၏​ဝပြော​ခြင်း​မူကား ထို​ချမ်းသာ​သော​သူ​ကို​အိပ်ပျော်​ခွင့်​မ​ပေး​တတ်​။

သူ​သည် အမိ​ဝမ်း​ထဲမှ အဝတ်မပါ​အချည်းစည်း​ထွက်လာ​သည့်​နည်းတူ ပြန်​သည့်အခါ​၌​လည်း မိမိ​လာ​သည့်​အတိုင်း ပြန်သွား​ရ​မည်​။ မိမိ​၏​လက်​တွင် မိမိ​ကြိုးပမ်းအားထုတ်မှု​ထဲမှ ဘာမျှ​မ​ယူဆောင်​ဘဲ​သွား​ရ​မည်​။