Popular Bible Verses from တရားဟောရာကျမ်း 10

Share

အို အစ္စရေး​လူမျိုး​၊ သင်​၏​ဘုရားသခင်​ထာဝရဘုရား သင့်​ထံမှ မည်သည့်​အရာ​ကို​တောင်း​သနည်း​။ သင်​၏​ဘုရားသခင်​ထာဝရဘုရား​ကို ကြောက်ရွံ့​ရ​မည်​၊ လမ်း​တော်​ရှိသမျှ​ကို လိုက်လျှောက်​ရ​မည်​၊ ကိုယ်တော်​ကို​ချစ်​ရ​မည်​၊ သင်​၏​ဘုရားသခင်​ထာဝရဘုရား​ကို စိတ်နှလုံး​အကြွင်းမဲ့​၊ စိတ်ဝိညာဉ်​အကြွင်းမဲ့​ဖြင့် ဝတ်ပြု​ရ​မည်​၊ သင်​ကောင်းစား​မည့်​အကြောင်း သင့်​အား ယနေ့ ငါ​ဆင့်ဆို​သော ထာဝရဘုရား​၏​ပညတ်ချက်​၊ ပြဋ္ဌာန်းချက် တို့​ကို စောင့်ထိန်း​ရ​မည် စသည်​တို့​ကို​သာ တောင်းဆို​သည်​မ​ဟုတ်​လော​။

သင်​တို့​၏​ဘုရားသခင်​ထာဝရဘုရား​သည် ဘုရား​တကာ​တို့​၏​ဘုရား​၊ သခင်​တကာ​တို့​၏​သခင်​၊ ကြီးမြတ်​၍​တန်ခိုး​နှင့်​ပြည့်စုံ​သော​ဘုရား​၊ အံ့ဩဖွယ်​ကောင်း​သော​ဘုရား ဖြစ်​တော်မူ​၏​။ မျက်နှာ​မ​လိုက်​၊ တံစိုးလက်ဆောင်​ကို​လက်​မ​ခံ​၊

သို့ဖြစ်၍ သင်​တို့​၏​စိတ်နှလုံး​အရေဖျား​ကို​လှီး​ကြ​လော့​။ ခေါင်း​မ​မာ​ကြ​တော့​နှင့်​။

ဖတဆိုး​နှင့်​မုဆိုးမ​တို့​အတွက် တရားသဖြင့်​စီရင်​သော​အရှင်​၊ တိုင်းတစ်ပါးသား​ကို​ချစ်​၍ အစားအစာ​နှင့် အဝတ်အစား​တို့​ကို ပေးသနား​တော်မူ​သော​အရှင်​ဖြစ်​တော်မူ​၏​။

သင်​မျက်မြင်ကိုယ်တွေ့​ကြုံ​ခဲ့​ရ​သည့် ကြောက်မက်ဖွယ်​ကောင်း​သော​အမှု​ကြီး​များ​ကို သင့်​အတွက်​ပြု​တော်မူ​သော​အရှင်​သည် သင်​ချီးမွမ်း​ရာ သင်​၏​ဘုရားသခင်​ဖြစ်​တော်မူ​၏​။

သင်​၏​ဘုရားသခင်​ထာဝရဘုရား​ကို​ကြောက်ရွံ့​ရ​မည်​။ ဝတ်ပြု​ရ​မည်​။ ဆည်းကပ်​ရ​မည်​။ နာမ​တော်​ကို​တိုင်တည်​၍​ကျိန်ဆို​ရ​မည်​။

သင်​၏​ဘုရားသခင်​ထာဝရဘုရား​သည် မိုးကောင်းကင်​နှင့် အမြင့်ဆုံးမိုးကောင်းကင်​ကို​လည်းကောင်း​၊ မြေကြီး​နှင့် မြေကြီး​၌​ရှိ​သော​အရာ​အားလုံး​ကို​လည်းကောင်း ပိုင်ဆိုင်​သော​အရှင်​ဖြစ်​သော်လည်း

သင်​တို့​သည် အီဂျစ်​ပြည်​၌ တိုင်းတစ်ပါးသား​ဖြစ်​ခဲ့​ဖူး​သောကြောင့် တိုင်းတစ်ပါးသား​တို့​ကို ချစ်​ရ​မည်​။