Popular Bible Verses from ရာဇဝင်ချုပ်ပထမစောင် 16

Share

ထာဝရဘုရား​နှင့် ထာဝရဘုရား​၏​တန်ခိုး​တော်​ကို စူးစမ်း​ကြ​လော့​။ မျက်နှာ​တော်​ကို အစဉ်မပြတ်​ရှာ​ကြ​လော့​။

ထာဝရဘုရား​သည် ကောင်းမြတ်​တော်မူ​ပြီး မေတ္တာကရုဏာ​တော်​သည် အစဉ်အမြဲ​တည်​သည်​ဖြစ်​၍ ကျေးဇူးတော်​ကို ချီးမွမ်း​ကြ​လော့​။

ထာဝရဘုရား​၏​ကျေးဇူးတော်​ကို​ချီးမွမ်း​၍ နာမ​တော်​ကို ခေါ်ဆို​ပတ္ထနာပြု​ကြ​လော့​။ ကိုယ်တော်​ပြု​တော်မူ​သော​အမှု​တို့​ကို လူမျိုးတကာ​တို့​အား ကြားသိ​စေ​ကြ​လော့​။

ကိုယ်တော်​၏​သန့်ရှင်း​သော​နာမ​တော်​ကို ချီးမွမ်း​ကြ​လော့​။ ထာဝရဘုရား​ကို ရှာ​သော​သူ​တို့​၏​စိတ်နှလုံး​၌ ဝမ်းမြောက်​ခြင်း ရှိ​ကြ​ပါစေ​။

ပြု​တော်မူ​သော​အံ့ဖွယ်​အမှု​များ​၊ ပြ​တော်မူ​သော​နိမိတ်လက္ခဏာ​များ​၊ နှုတ်​တော်​ထွက်​စီရင်ထုံးဖွဲ့ချက်​များ​ကို အောက်မေ့​ကြ​လော့​။

ကိုယ်တော်​ထံသို့ သီချင်းဆို​ကြ​လော့​။ ကိုယ်တော်​ကို သီဆိုချီးမွမ်း​ကြ​လော့​။ ကိုယ်တော်​၏​အံ့ဖွယ်​သော​အမှု​ရှိသမျှ​တို့​ကို ပြောကြား​ကြ​လော့​။

အကြောင်းမူကား ထာဝရဘုရား​သည် ကြီးမြတ်​တော်မူ​၏​။ ချီးမွမ်းဖွယ်​အလွန်​ကောင်း​၏​။ ဘုရား​တကာ​တို့​ထက် ကြောက်ရွံ့ရိုသေဖွယ် ကောင်း​လှ​၏​။

ထာဝရဘုရား​၏​နာမ​တော်​ဘုန်းကြီး​တော်မူ​ကြောင်း​ကို သိမှတ်ဝန်ခံ​ကြ​လော့​။ ပူဇော်သက္ကာ​ကို ရှေ့​တော်​သို့ ယူဆောင်​လာ​ကြ​လော့​။ သန့်ရှင်း​ခြင်း​တန်ဆာ​ကို​ဆင်​၍ ထာဝရဘုရား​ကို ရှိခိုးကိုးကွယ်​ကြ​လော့​။

ရှေ့​တော်​တွင် ဘုန်းကျက်သရေ​နှင့် ခန့်ညားထည်ဝါမှု​တို့ ရှိ​ပါ​၏​။ ကိန်းဝပ်​တော်မူ​ရာ​အရပ်​တွင် အစွမ်းတန်ခိုး​နှင့် ဝမ်းမြောက်​ခြင်း​တို့​ရှိ​ပါ​၏​။

မြေကြီးသား​အပေါင်း​တို့​၊ ထာဝရဘုရား​ထံ သီချင်းဆို​ကြ​လော့​။ ကယ်တင်​ခြင်း​အကြောင်း​ကို နေ့ရက်​အစဉ်​ဟောပြော​ကြ​လော့​။

ဘုန်းအသရေ​တော်​အကြောင်း​ကို လူမျိုးခြား​တို့​အား​လည်းကောင်း​၊ အံ့ဖွယ်​သော​အမှု​တော်​တို့​ကို လူမျိုး​အပေါင်း​တို့​အား​လည်းကောင်း ပြောကြား​ကြ​လော့​။

“ငါ​ဘိသိက်ပေး​သော​သူ​တို့​ကို မ​ထိ​ကြ​နှင့်​။ ငါ့​ပရောဖက်​တို့​ကို ဘေး​မ​ပြု​ကြ​နှင့်”​ဟု မိန့်​တော်မူ​၏​။

အကယ်စင်စစ် လူမျိုး​တို့​၏​ဘုရား​ရှိသမျှ​တို့​သည် ရုပ်တု​မျှသာ ဖြစ်​၏​။ ထာဝရဘုရား​မူကား ကောင်းကင်​ကို ဖန်ဆင်း​တော်မူ​၏​။

ကိုယ်တော်​၏​ပဋိညာဉ်​တော်​ကို အစဉ်​သတိရ​ကြ​လော့​။ မိန့်​တော်မူ​ထား​သော​စကား​တော်​ကို မျိုးဆက်​ပေါင်း​တစ်ထောင်​တိုင်အောင် သတိရ​ကြ​လော့​။

မိုးကောင်းကင် ဝမ်းမြောက်​ပါ​စေ​။ ကမ္ဘာမြေကြီး ရွှင်လန်း​ပါစေ​။ လူမျိုးခြား​တို့​အလယ်​တွင် “​ထာဝရဘုရား စိုးစံ​တော်မူ​၏​”​ဟု ကြွေးကြော်​ကြ​စေ​။

အစ္စရေး​လူမျိုး​၏​ဘုရားသခင်​ထာဝရဘုရား​သည် ကာလ​အစဉ်အဆက်​မင်္ဂလာ​ရှိ​ပါစေသော ဟု​သီဆို​ကြ​၍ လူ​အပေါင်း​တို့​က “​အာမင်​”​ဟု​ဆို​လျက် ထာဝရဘုရား​ကို ချီးမွမ်း​ကြ​၏​။

လူမျိုး​တို့​၏​မျိုးနွယ်စု​တို့​၊ ထာဝရဘုရား​ကို သိမှတ်ဝန်ခံ​ကြ​လော့​။ ထာဝရဘုရား​၌ ဘုန်းအသရေ​၊ အစွမ်းတန်ခိုး​ရှိ​ကြောင်း​ကို သိမှတ်ဝန်ခံ​ကြ​လော့​။