Popular Bible Verses from Psalm 119

Share

Qaneryararpet kenurratun ciuliqagtaatnga, tanqigiluku tumkaqa tamalkuan.

Qaneryaran qemagtellruaqa ircaqumnun, nallutmun tungevnun assiilngurmek taqutenritnalua.

Qaillun piluni ayagyualria ayuqucimikun menuicugngaa? Murilkelluni yuullermikun qaneryaraten cuqekluki.

Atawaqertut picirkiutain aturtait, niisngaluteng umyuamegteggun tamalkirrluteng.

Elpet wiinga iirvikamken capkutaqluten-llu; neryuniurutengqertua akqutkellerpenek.

Taringyugngavkarru alerquuten wangnun, tamalkirrlua ircaqumkun aturniarqa.

Piyuumiutekevkarru-llu wangnun picirkiutvet atullerkaat, tukuurtellerkaqa arcaqakevkenaku.

Anucimirqecetaarutka ikayuutnguuq wangnun, nallunrircecaki alerquuteten.

Nangteqellma-llu nalliini caceturcimalartua akqutevgun unguvamek cikiumiivnga.

Niisngalriaruvkarlua alerquutevnek, angniutekngamku wiinga atullrat.

ATANEQ, kangingevkarki wangnun alerquuteten, atularnianka kesianek.

Angniipakallma tuquyarpiarcetaanga; pinirivkarnga akqellrucirpetun.

Wiinga alerquuteten kenkanka cakneq! Ernerpak-llu umyuangcautekuralaranka.