Popular Bible Verses from Mark 16

Share

Qanrutai-llu, “Ayagci nunanun tamaitnun, qaneryaraq-llu assilria qalarutkiciu piurcimalrianun tamalkuitnun.

Makut-llu nallunailkutet maligciiqait ukvelriit; wiinga atemkun anernerrluut anevkarciqait, alungutetgun nutaratgun qallaciiqut; ciissirpiit teguciqait, tuqunarqelriamek-llu meq'uneng catekngaitaat; naulluulriit-llu unatmeggnek pategciqait, taukut-llu assiriciqut.”

Ukverluni-llu anglluumalria anirtuumaarkauguq, tau͡gaam ukvenrilnguq pinarqelriarunimaarkauguq.

Taukut-llu ayagtut tamiinun qallataqluteng; Atanrem-llu calillgutkai, qaneryaraq-llu pektayiircetaa nallunailkutetgun. Amen.] [

Qanrutai-llu, “Tatamevkenaci; Jesus-aaq Nazareth-aarmiu kelistamun ussukcausngalleq yuararci. Maktellruuq, maantenrituq. Wani-wa enellran ellimallra.

Ciugcameng-llu tangrraat akagcimaluni, wani-wa angqapigtellria. Qungumun-llu itrameng, yun'erraq tangrraat tallirpian tungiini aqumgaluni, akurtulriamek qatellriamek aturalek. Tatamqapigtut-llu.