Popular Bible Verses from Mark 14

Share

Qanerluni, “Aata, Atamaa, cat tamarmeng piyugngaut elpeni, una saskaq wangnek au͡g'arru; tau͡gaam wii pisquciqa pivkenani, elpet pisqucin piuli.”

Tupaumaci piicagluci-llu, naspaatmun pinritnaurtuci, anerneq ilumun cumigcaaquq, tau͡gaam kemek piniatuq.”

Ilumun, qanrutamci, nani nunam qaingani man'a qaneryaraq assilria qalarutkumakan, man'a-llu arnam pillra qanrutekciqaat ellii neq'akluku.”

Tua-i qanrutai, “Wii tarneqa angniitqapigtuq, tuqumun tuaten; maantaurci, pegg'arluci-llu.”

Nerrlermeggni-llu Jesus-aam kelipaq tegua, atawaqaasqiluni-llu, itumtaa, taukunun-llu tunluku, qanerluni, “Tegulluci nerici, wani-wa temka.”

Saskaq-llu tegua, quyarraarluni-llu taumek cikirai; tamarmeng-llu tuaken mertut. Qanrutai-llu, “Wani-wa auka akquyutem nutaram auga, amllelriit pitekluki kuvumalria.

Tua-i Jesus-aam qanrutai, “Tamarpeci qimagciquci, igausngiin, ‘Qusngiliurta kaugturciqaqa, qusngit-llu sekavciiqut.’

Makluci ayiilta, tangerrluku, ukaqsigtuq tunestekaqa.”

Jesus-aam tua-i qanrutaa, “Ilumun, qanrutamken, ernerpak mat'umi unugmi, angucaluq yaqulek malrurqugnek qalriavailgan, mecirautekciqerpenga pingayurqunek.”