Popular Bible Verses from James 1

Share

Ilamaa, nunaniryukici ayuqenrilngurnek naspaamakuvci, nalluvkenaku man'a: ukverpeci naspaamallrakun asvairillerkarci.

Ilasi umyugailkuni Agayutmun kaigakili, qunuyuilngurmun avalissarayuilngurmun, cikiumaciquq-llu.

Taumek anelgutemni, keneknarqelriani! Yuk tamarmi maligaurauskili, qanqataitevkenani, qenqerrngianani-llu.

Tau͡gaam asvailucirci nuringanrilli, elpeci-llu qaqimalriaruniartuci tamalkiringaluci nau͡gg'un-llu nuringavkenaci.

Qaneryaramek atulriarukici, niiteqainalriaruvkenaci-llu, alarrnavkenaci.

Atawaqertuq yuk naspaamallermini pektayiilkuni, naspaatni pellukuniu akurturciqngami unguvam nasqerrutiinek Atanrem akqutkellranek kenkestem̄inun.

Cikiun tamarmi assilria, natlugnerilnguq-llu cikiun pakmaken kingunengqetuuq, atraraqluni-llu tanqilriit Atiitnek, caqtaayuilngurmek pillinqigcuunani-llu.

Tua-i kina niiteqainalriarukuni qaneryaramek aturpek'naku-llu, ayuquq yugtun kegginaminek tangvalriatun tarenriurutkun. Tua-i ellminek tangrraarluni ayagtuq, egmianun-llu ayuqucillni nalluyagulluku.

Menuilnguq agayumaciq, Agayutem-llu Atamta ciuqerrani caarrluilnguq waniwauguq: kusgualuki elliraat aipainret-llu nangteqellratni, nunamiutarnun-llu caarrluurcetevkenani.

Yuk naspaamakuni qanenrilkili, “Agayutem naspaagaanga.” Wani-wa Agayun assiilngurmek naspaamasciigalan yuk-llu naspaangaunaku. Tau͡gaam yuk naspaamalartuq aglumallermikun iqlutmurucimaaqami.

Ukvelriim ellmikutuuluni mayuqaniumallni angniutekekiliu.