Popular Bible Verses from Hebrews 12

Share

Taumek nallunairterugarnek kassugusngiimta, ataki wangkuta piyunailutet tamalkuita pegglaput, assiilnguq-llu atuqeryulallerput, qacuiqsaunata-llu tumkarput aturlaut aqvautellriatun. Tangvaurluku Jesus-aaq ukvemta ayagniutestii qaqitestii-llu. Elliin angniq atu'urkani pitekluku kelistaq atullrua kasngunarqelria catkevkenaku, aqumluni-llu Agayutem aqumlleran tallirpilirneranun.

Pitmini ellangcaumalleq tamarmi aknirnarquq angnirnarqevkenani; kinguakun tau͡gaam naugilartuq elluaryaram atsainek uitanqegcinarqelrianek, tuaten pimalriit atu'urkaitnek.

Yugni tamaitni nepaitellra yuaqiciu, kenciknarillerkarci-llu; tuaten pinrilnguut Ataneq tangerrngailatgu.

Umyuaqekiciu ellii assiilngiumalrianun ilalkumallra uumikutekun waten pitalriakun, mernungenritnaurtuci alingyugpek'naci-llu.

Taumek quyakilta angayuqauvigmek ciuniullemten̄ek pekcecimasciigalngurmek, taumek-llu Agayutmun tunelta agayuyaramek ciuniuyunarqelriamek, qigcigyugluta civuuraluta-llu.

Ellangcallerkarci pitekluku ilalkumalartuci. Agayutem qetunramitun pitarrluci piaci; kina qetunraulria atiin ellangcaqsaitau?

Wani-wa Agayutvut kenertun piunririlriatun ayuqngan.

Tua-i ellaita ellangcallruitkut carrarmi piyugtacimegcetun, elliin tau͡gaam ellangcalaraakut elluarrluta pillerkamten̄ek, ellmitun elluarisqelluta.

Assiilnguq ingluklerpeciuggun aunrallerkarci tekilluku inglukiksaituci.