Popular Bible Verses from Lukas 17

Share

Manjari paꞌin si Isa si iye, “Nengge kew, bagay, duk palanjal ne kew. Kawuliꞌan kew peggeꞌ sandel kew.”

Bang dem da ellewin kapagduse iye mimpituꞌ si kaꞌu duk mimpituꞌ isab iye piyu si kaꞌu māku ampun, subey iye ampunnu.”

Dangan siye, pagkitene weꞌ kawuliꞌan ne iye, magtawus iye balik duk pinudji weꞌ ne Tuhanin pinapales. Pasujud iye si antag bettis si Isa magpasalamat si iye. Aꞌa inin bangsa Samariya.

Hangkan pahatul-hatul kaꞌam. Bang saweꞌnun kapagduse si kaꞌu, boꞌohun magbissā duk toloꞌanun. Bang pagsusunanne dusenen duk lebbahanne dusenen ampunun iye.

Paꞌin si Isa, “Dumaꞌin ke sampūꞌ aꞌa kawuliꞌanin? Antag ne siyamin?

Nambung Panuhutanden, paꞌinne, “Bang sandel kaꞌam si Tuhan bisan hadja kuweꞌahat, dalilnen kuweꞌ hadja hadjehan bigi mustasa, makajari paꞌinbi si poꞌon kayu mahadje miyaꞌan, ‘Pabeddut kew duk palinda kew pī dem tahik,’ ubus bu tuhutne du pinaꞌinbin.”

Sine-sine ngelleg umulne, gaꞌ niyaꞌ umulne salama-lama. Saguwaꞌ sine-sine gaꞌi ngelleg umulne sababku, bisan iye matey, niyaꞌ du umulne salama-lama.

Manjari paꞌin si Isa si meꞌ tindegnen, “Bugtuꞌ niyaꞌ teꞌed meꞌ sassat tekka si manusiyaꞌ makapaduse siye. Saguwaꞌ kaꞌaseꞌ-aseꞌ aꞌa manassat saweꞌnen duk iye makaduse, peggeꞌ asal legga Tuhanin teꞌed iye. Hāp pe siꞌ iye miyaꞌan tapatowengan dahuꞌ batu hadje si kellongne bu ilaboꞌ iye pī dem tahik duk hadja gaꞌi tasassatne magduse dangan meꞌ madiyawaꞌ ateynen duk masandel si akuhin.

Si pasōngan, bang ne ku pitu balik si dunya, meꞌ hinangan meꞌ aꞌahin kuweꞌ du hinangan meꞌ aꞌa masa si Nu ley. Masa miyaꞌan mangan siye duk nginum, maganda siye duk magella sampay taꞌabut ellew paꞌasek si Nu dem kappalin. Manjari ilaseyan weꞌ Tuhanin dunyahin duk magmula siye kēmon.