Popular Bible Verses from Yahiya 15

Share

“Aku inin poꞌon tinanemin duk kaꞌam dalil meꞌ pangehin. Bang kaꞌam teteg si aku duk aku isab teteg si kaꞌam, ekka tahinangbi kahāpan, peggeꞌ bang butas kaꞌam amban aku, gaꞌ niyaꞌ kasuddahan hinangbin.

Subey kaꞌam pateteg si aku, duk teteg ku isab si kaꞌam. Dalil pangehin, gaꞌi makajari buwaꞌ pangehin amban dihananne, luwal bang gaꞌi butas amban poꞌonne, buwaꞌ du. Damikkiyan kaꞌam gaꞌi kaꞌam kapaghinang si kahāpan bang gaꞌi kaꞌam teteg si aku.

Saguwaꞌ bang teteg kaꞌam si aku duk meꞌ panoloꞌkun ingketbi teꞌed dem ateybi, duhulan Tuhanin kaꞌam ine-ine pākubi.

Dumaꞌin weꞌ peneꞌbi ku, saguwaꞌ aku mameneꞌ kaꞌamin, duk kawakilan kaꞌam weꞌ ku supaya ekka hāp tahinangbi duk meꞌ mahāp tahinangbin gaꞌi pinda. Manjari, ine-ine pākubi si Samakun sabab sandelbi si akuhin, duhulanne kaꞌam.

Bang aꞌahin maglillaꞌ matey sabab lasane si meꞌ bagaynen, gaꞌ niyaꞌ lasa manusiyaꞌ hadje amban inin.

Kēmon pangeku manggaꞌi mabuwaꞌin totoꞌanne, duk kēmon pangeku mabuwaꞌin gawasanne duk ngaꞌekka buwaꞌnen.

Iye inin pangandaꞌakanku si kaꞌamin, subey kaꞌam maglasa-ilasa kuweꞌ pangalasaku si kaꞌamin.

Bang ekka kahāpan tahinangbi, pinudji du Samakun duk kataꞌuhan du isab weꞌ kaꞌam bennal meꞌ tindegku.

Manjari magdalilan si Isa, paꞌinne si meꞌ tindegnen, “Aku inin dalil poꞌon tinanem mahāpin, duk Samakun dalil magipat tinanem inin.

Bang aꞌahin gaꞌi teteg si aku, kuweꞌ iye dalil pange seppak ilakasan duk ngalanes. Manjari tinipun meꞌ pange inin bu ilakasan dem ebbut ineggas.

“Hangkan inin panoloꞌku si kaꞌam, supaya talessabi isab kuweꞌ kēg dem ateykun duk supaya kēgbin jukup.

Bang tuhutbi meꞌ pangandaꞌakankun, teteg du lasakun si kaꞌam. Kuweꞌ du akuhin, tinuhut weꞌ ku meꞌ pangandaꞌakan Samakun duk teteg lasanen si aku.

Na, iye inin pangandaꞌakanku kaꞌamin, subey kaꞌam maglasa-ilasa.”

Bang saꞌupama magdambuwaꞌ pikilan kaꞌam duk meꞌ aꞌa iyan, kalasahande hep kaꞌam. Saguwaꞌ pabiddaꞌ kaꞌam. Tapeneꞌ kaꞌam weꞌ ku duk pinaseddili kaꞌam weꞌ ku amban meꞌ aꞌa iyan. Hangkan hep kaꞌam kabunsihan weꞌ de.