Popular Bible Verses from Yahiya 12

Share

Paꞌin si Isa, “Sine-sine bayaꞌ daꞌak-daꞌakku, subey iye nuhut-nuhut aku. Manjari antag-antagku, laꞌi isab iye. Sine-sine ngahinang pangandaꞌakankun, pahadje Samakun iye.”

Damikkiyan isab aꞌahin. Bang ellegne teꞌed umulne si dunya inin, gaꞌ niyaꞌ umulne salama-lama. Saguwaꞌ bang gaꞌi du ellegne umulne si dunya inin, niyaꞌ du umulne salama-lama.”

Sabennal akahante kaꞌam, weꞌ da lowang binihiꞌ tattap da lowang hadja samantaꞌan gaꞌi pinadem bulak. Saguwaꞌ bang pinadem bulak ne, kuweꞌ dalil matey bu kinubul, na, manjari tomoꞌ duk ekka buwaꞌne.

Pitu ku si dunya ngurung dantaꞌ si pikilan manusiyaꞌ supaya sine-sine kahagad si aku gaꞌi teteg dem lindem.

Bang niyaꞌ aꞌa makakale meꞌ panoloꞌkun bu gaꞌi tuhutne, dumaꞌin aku mangahukum iyehin. Peggeꞌ dumaꞌin ku pitu ngahukum meꞌ aꞌa si dunyahin, saguwaꞌ pitu ku nimbul siye.

Manjari ngeddoꞌ Mariyam isellan bengngi inēnan narda tengaꞌ kilu bohatnen. Mahalgaꞌ teꞌed isellan bengngi inin duk gaꞌ niyaꞌ lamud-lamudne. Pinatataꞌ weꞌ Mariyam isellan bengngi inin si bettis si Isa, ubus bu pinunasan weꞌ ne duk kōkne. Manyug bengnginen dem lumaꞌ.

Manjari ngeddoꞌ siye kuweꞌ bantuk tuggu dawen lahing duk paguwaꞌ siye pī pasampang pu si Isa. Ngalingan-ngalingan siye papales, paꞌinde, “Pudjite bi Tuhanin. Pudjite bi pinapitu weꞌ Tuhanin. Pudjite bi Sultan bangsa Israꞌilin.”

Sambungan si Isa siye, paꞌinne, “Taꞌabut ne waktukun. Aku, Anak Manusiyaꞌin, sōng pinahadje ne ku.